الماتى اۋەجايى قىتايدان جاڭا باعىت بويىنشا العاشقى رەيستى قابىلدادى

الماتى. KAZINFORM - الماتى حالىقارالىق اۋەجايىندا Air China اۋە كومپانياسىنىڭ بەيجىڭ - الماتى - بەيجىڭ باعىتى بويىنشا تىكەلەي رەيسىنىڭ تۇساۋكەسەرى ءوتتى.

الماتى اۋەجايىنىڭ مالىمەتىنشە، بەيجىڭ - الماتى - بەيجىڭ باعىتىنداعى رەيستەر اپتا سايىن دۇيسەنبى، سارسەنبى، جۇما جانە جەكسەنبى كۇندەرى Boeing 737 ۇشاعىمەن ورىندالادى. ۇشۋ ۋاقىتى - 4 ساعات 50 مينۋت.

- ءبىز الماتى حالىقارالىق اۋەجايىندا جاڭا اۋە تاسىمالداۋشى - Air China كومپانياسىن قۋانا قارسى الامىز. بەيجىڭ - الماتى - بەيجىڭ باعىتى بويىنشا تىكەلەي تۇراقتى اۋە رەيسىنىڭ اشىلۋى - قازاقستان مەن قىتاي اراسىنداعى اۋە قاتىناستارىن نىعايتۋدىڭ ماڭىزدى قادام، - دەدى الماتى حالىقارالىق اۋەجايىنىڭ ۆيتسە- پرەزيدەنتى ونۋر شاتىر.

فوتو: الماتى حالىقارالىق اۋەجايى

بۇگىنگى كۇنى الماتى قالاسىمەن قىتايدىڭ بەيجىڭ، شاڭحاي، گۋاڭجوۋ، شيان، ءۇرىمجى، قۇلجا، حاڭجوۋ جانە سانيا قالالارىمەن تىكەلەي اۋە قاتىناسى بار.

- 2025 -جىلدىڭ باسىنان بەرى الماتى مەن قىتاي اراسىنداعى جولاۋشىلار اعىنى 230 000 ادامنان استى، بۇل وتكەن جىلدىڭ سايكەس كەزەڭىمەن سالىستىرعاندا b عا كوپ، - دەپ حابارلادى الماتى اۋەجايىنان.