الماس جالي كينو يندۋستريانى Astana Hub ارقىلى قولداۋدى ۇسىندى
استانا. KAZINFORM - پروديۋسەر الماس جالي كينو يندۋسترياسىنىڭ وكىلدەرىنە Astana Hub ورتالىعىن قولداۋ باعدارلاماسى ارقىلى جۇمىس ىستەۋگە رۇقسات بەرۋ كەرەك دەگەن وي ايتتى.
«فيلمنىڭ كورسەتىلىمىن ۇيىمداستىرۋدىڭ شىعىندارى كوپ. ونىڭ ىشىندە سالىق پەن ديستريبيۋتەلىك كوميسسيا الىمدارى دا بار. سونىڭ سالدارىنان بيزنەس تابىسىنىڭ 30-40 پايىزىن تولەمدەرگە جۇمسايدى. بۇل ءبىزدىڭ دامۋىمىزعا كەدەرگى. كينو يندۋسترياسىنا 4-8 پايىز كولەمىندە وڭايلاتىلعان ءبىرىڭعاي سالىق مولشەرلەمەسى بولسا دەپ ۇسىنامىز. بۇل سالىق جۇكتەمەسىن جەڭىلدەتىپ قانا قويماي جينالاتىن اقشانىڭ اشىقتىعىنا اسەر ەتەر ەدى»، - دەدى پروديۋسەر.
سونداي-اق، ول جەرگىلىكتى دەڭگەيدەگى كينو يندۋسترياسىن دامىتۋعا كوبىرەك كوڭىل ءبولىنۋ كەرەك دەگەن وي ايتتى.
«Astana Hub سالىق جەڭىلدىكتەرى مەن قاجەتتى ينفراقۇرىلىمى بار دايىن ەكوجۇيە دەپ ەسەپتەيمىن. مۇنداي مودەلدى كرەاتيۆتى سالالارعا، سونىڭ ىشىندە كينو ءتۇسىرۋ ىسىنە قولدانۋ بۇكىل سالانىڭ دامۋىنا سەرپىن بەرە الادى. كينو يندۋستريانى Astana Hub ەكوجۇيەسىنە قوسۋ بىرنەشە جىل ىشىندە وپەراتورلار مەن رەجيسسەرلەردىڭ، سۋرەتشىلەر مەن باسقا دا مامانداردىڭ ورتاق مالىمەتتەر بازاسىن قۇرۋعا مۇمكىندىك بەرەدى»، - دەدى ول.
اۆتور
ەربول جانات