الەم چەمپيوناتى: شاعىن فۋتبولدان قازاقستان اۋەسقوي قۇراماسى تۇڭعىش رەت فينالعا شىقتى

 شاعىن فۋتبولدان قازاقستان قۇراماسى بىرىككەن اراب امىرلىگىنىڭ راس- ەل- حايم قالاسىندا ءوتىپ جاتقان الەم چەمپيوناتىندا فينالعا شىقتى، دەپ حابارلايدى Kazinform.

الەم چەمپيوناتىنا اۋەسقوي سپورتشىلار قاتىسا الادى.

جارتىلاي فينالدا قازاقستاندىق سپورتشىلار ازەربايجانمەن شەبەرلىك بايقاستى.

كەزدەسۋ بارىسىندا ازەربايجاندىق فۋتبولشىلار قاتارىنان 19-مينۋتتا ەشگين تاگيەۆ ەسەپ اشتى. ودان كەيىن قازاقستاندىقتار قاتارىنان ءۇش گول سوعىپ كەتتى. بۇل گولدار نۇرسۇلتان ءجۇسىپوۆ (30-مينۋت)، جانىبەك سەيىتجان (41)، ورالبەك ەگىزبايەۆ (45) ەنشىسىنە جازىلدى.

ەل قۇراماسى ا توبىندا سىنعا ءتۇستى. بۇل كەزەڭدە گانانى 7:0، ءۇندىستاندى 16:0، بىرىككەن اراب امىرلىگىن 2:1 ەسەبىمەن جەڭدى.

ودان كەيىن جارىس ساتىسىندا مەكسيكا، چەحيانى قاپى قالدىردى.

وسىلايشا قازاقستان قۇراماسى ءوز تاريحىندا تۇڭعىش مارتە فينالعا جولداما الدى. الداعى قارسىلاسى - رۋمىنيا.

ايتا كەتسەك، بۇعان دەيىن ەل قۇراماسى 2015، 2017 -جىلداردا 11-ورىن العان ەدى.