الەم ەلدەرىندەگى الەۋمەتتىك كومەك مولشەرى قانداي؟

استانا. قازاقپارات - ازاماتتاردىڭ قۇقىعىن قورعاۋ جانە ولاردىڭ ساپالى ءومىر سۇرۋىنە بارىنشا جاعداي جاساۋ - ءاربىر مەملەكەتتىڭ باقىتتى بولاشاعىنىڭ كەپىلى.

سوندىقتان بيلىك تۇرعىندارعا جاردەماقى، سىياقىمەن بارىنشا قامقورلىق كورسەتۋگە تىرىسىپ باعادى، دەپ حابارلايدى 24kz.

الەم ەلدەرىنىڭ تاجىريبەسى قانداي؟

گەرمانيادا قانداي دا ءبىر كاسىپورىن بەلگىلى ءبىر سەبەپتەرگە بايلانىستى قارجىلاي قيىندىقتارعا تاپ بولسا، جالاقىنى جۇمىس ىستەلگەن ۋاقىتقا عانا تولەيدى. ەگەر جۇمىس ساعاتى نولگە جەتسە، ايلىق جالاقىنى جۇمىس بەرۋشى ەمەس، قىزمەتكەرلەردى جۇمىسسىزدىقتان ساقتاندىراتىن مەملەكەتتىك كومپانيالار تولەيدى. ءبىراق ونىڭ مولشەرى جالاقىدان از بولادى. ياعني، ايلىق تابىستىڭ `- ءى بەرىلەدى. جۇمىسشى بالالى بولعان جاعدايدا سوڭعى جالاقىسىنىڭ g- ءى تولەنەدى.

مامانداردىڭ ايتۋىنشا، بۇل مودەل تاجىريبەلى قىزمەتكەرلەردى جۇمىستان شىعارعاننان الدەقايدا ءتيىمدى. بۇدان بولەك، گەرمانيادا جۇمىس تابا الماي جۇرگەن وتباسى جاردەماقىعا ءوتىنىش بىلدىرە الادى. ماقۇلدانسا، 1 ادام ايىنا 400 ەۋرو شاماسىندا تولەم الادى.

كۋۆەيت ەل تۇرعىندارىنىڭ ءوسۋى مەن ءبىلىم الۋىنا ينۆەستيتسيا سالۋدى قولعا العان. مەملەكەت كىرىسىنىڭ - ءى بولاشاق ۇرپاقتىڭ ەرەكشە قورىنا بولىنەدى. ال مۇناي قىمباتتاعان كەزدە مەملەكەت حالىقتىڭ نەسيەلەرىن ءىشىنارا نەمەسە تولىعىمەن اۆتوماتتى تۇردە وتەيدى. 5 بالالى وتباسىعا ولار جۇمىس ىستەي باستاعانعا دەيىن اي سايىن 200 دوللار جاردەماقى تولەيدى. ال جۇمىس ىستەمەيتىن انالارعا 300 دوللاردان بەرىلەدى.

بىرىككەن اراب امىرلىكتەرىندە جاڭا تۋعان بالاعا مەملەكەت تاراپىنان سىياقى قاراستىرىلعان. وسىلايشا، جاس وتباسىلاردى بالالى بولۋعا ىنتالاندىرادى. بۇدان بولەك، جاستار ۇيلەنۋ تويىنا دەيىن ەلدىڭ نەكە قورىنان پايىزسىز نەسيە الا الادى. وتباسىندا نارەستە دۇنيەگە كەلسە، الگى نەسيە اۆتوماتتى تۇردە وتەلگەن بولىپ سانالادى. جاڭا ازاماتتىڭ دۇنيەگە كەلگەنى ءۇشىن باقىتتى اتا- انالار 50000 دوللاردان 200000 دوللارعا دەيىن، ال قاجەت بولعان جاعدايدا ءۇي دە الادى.

ال اۆستراليادا جاڭا تۋعان ءار بالاعا شامامەن 3000 ا ق ش دوللارى كولەمىندە سىياقى بەرىلەدى. ەگەر ءبىر ۋاقىتتا ءۇش نەمەسە ودان دا كوپ بالا تۋىلسا، وندا جىل سايىن اتا-انالارعا ەگىزدەر 16 جاسقا تولعانعا دەيىن وسى سوما تولەنەدى. سونىمەن قاتار بۇل ەلدە بالالاردىڭ شىعىندارىن وتەۋ ءۇشىن وتباسىلارعا سالىق جەڭىلدىكتەرى دە قاراستىرىلعان. بالا كۇتىمى ءۇشىن بەرىلەتىن جاردەماقى دا بار. ونى بالانى باعۋشى اتا-اجەسى، دوستارى دا الا الادى.

ا ق ش- تا بالا تۋۋ مەن كۇتىمىنە قاتىستى جاردەماقى تەك الەۋمەتتىك وسال توپتارعا بەرىلەدى. ال دەكرەتتىك دەمالىس كومپانيامەن اراداعى كەلىسىمشارتقا بايلانىستى. شۆەيتساريادا دەكرەت تەك ءتورت ايعا بەرىلەدى. وسى ۋاقىتتا ايەلدىڭ سوڭعى 1,5 جىلدا العان ورتاشا جالاقىسى تولەنەدى. ەگەر ايەلدىڭ ەڭبەك ءوتىلى 1,5 جىلعا جەتپەسە، جاردەماقى بەرىلمەيدى.