الەم ەلدەرى قانداستارىنا قانداي مۇمكىندىك بەرەدى؟

استانا. KAZINFORM - جەر بەتىندەگى ءاربىر جەتىنشى ادام ءوزىنىڭ تاريحي وتانىندا تۇرمايدى. ياعني، جەر جاھانداعى 1 ميلليارد حالىق كوشىپ- قونىپ ءجۇر، دەپ حابارلايدى 24kz.

ءبىراق سول جىراقتا جۇرگەن قانداستارىن ەلگە قايتارۋدى قولعا العان ەلدەر نەكەن-ساياق. اتاپ ايتقاندا، قازاقستان مەن يزرايل جانە گەرمانيا. وسى باعىتتا الەمنىڭ وزگە ەلدەرىندە قانداي جوبالار قولعا الىنعان؟

گەرمانيادا قانداس مارتەبەسىن الۋ جەڭىلدەتىلدى

گەرمانيادا ەتنيكالىق نەمىستەر ءۇشىن ورالمان مارتەبەسىن الۋ بارىنشا جەڭىلدەتىلگەن. باعدارلاما «كەش ورالعان ورالماندار» دەپ اتالادى. ميگرانتتارعا قاراعاندا ەتنيكالىق نەمىستەر ازاماتتىقتى بىردەن الادى ءارى تەگىن وزگەرتۋگە قۇقىلى. سونداي-اق اقىسىز بەيىمدەلۋ كۋرستارى ۇيىمداستىرىلادى. العاشقىدا قارجىلاي جاردەماقى تولەنەدى. مەملەكەت جۇمىسقا ورنالاسۋىنا قولعابىس جاسايدى.

ءبىراق بارلىعى دەرلىك قوعامعا تولىق ءسىڭىسىپ كەتە المايدى. ساراپشىلاردىڭ پىكىرىنشە، بۇعان كوبىنە تىلدىك توسقاۋىلدار مەن ماماندىقتىڭ ساي كەلمەۋى كەدەرگى بولادى.

گرەكيادا داعدارىس كەزىندە كوشكەندەر قايتا ورالىپ جاتىر

گرەكيا 2009 -جىلدارى قارجىلىق داعدارىسقا ۇشىراعاننان كەيىن حالقى جان باعۋ ءۇشىن وزگە ەلدەرگە باس ساۋعالاپ كەتكەن ەدى. قازىر سول ازاماتتارى ەلگە قايتا ورالىپ جاتىر. دەرەكتەرگە قاراعاندا، ەلگە قايتىپ كەلگەندەردىڭ �- ءىنىڭ ورالۋىنا وتباسى مەن تانىستارى سەبەپ بولعان. ال، مەملەكەت ۇسىنعان سالىق جەڭىلدىكتەرى تەك - ءى ءۇشىن عانا شەشۋشى ءرول اتقارعان. ەلگە ورالعانداردىڭ كوبى جوعارى ءبىلىمدى، جەكە سەكتوردا جۇمىس ىستەگەندەر. ءبىراق جارتىسىنان كوبى قازىر قارجىلىق قيىندىققا تاپ بولعان.

ساراپشىلار: «بۇل رەپاترياتسيانىڭ نەگىزگى قوزعاۋشى كۇشى وتباسىنا، تۋعان جەرىنە دەگەن ساعىنىش ەكەنىن كورسەتەدى»، - دەيدى.

100 مىڭنان اسا كارىس اتامەكەنىنە ورالدى

وڭتۇستىك كورەيا جىراقتا جۇرگەن قانداستارىنا ۆيزا الۋ ءراسىمىن جەڭىلدەتكەننەن كەيىن تاريحي وتانىنا ورالعان ەتنيكالىق كارىستەردىڭ قاراسى ارتتى. سوڭعى ستاتيستيكا بويىنشا «تاڭعى شىق» ەلىنە 100 مىڭنان اسا ادام ورالدى. ولاردىڭ 40 مىڭعا جۋىعى ورتالىق ازيا ەلدەرىنەن بارعاندار.

كوبى ءوندىرىس كەشەندەرى شوعىرلانعان قالالارعا قونىستاندى. ناتيجەسىندە قازىر ەلدە ەتنيكالىق كارىستەر تۇراتىن شاعىن 30 اۋىل بوي كوتەردى. ولار ءۇشىن ارنايى مادەني ورتالىقتار جۇمىس ىستەيدى. مۇندا ءتىل ۇيرەتىلىپ، قۇقىقتىق كەڭەس بەرىلەدى. بالالار مەن ەرەسەكتەرگە ارنالعان مادەني ساباقتار جۇرگىزىلەدى. ءبىراق وزدەرىن تۋعان جەردە بوتەن سەزىنەتىندەر كوپ. «ولار ءۇشىن باستى كەدەرگى - كورەي ءتىلىن بىلمەۋ»، - دەيدى ساراپشىلار.