الەمگە ايگىلى تەننيسشى مانسابىن اياقتايتىن بولدى

استانا. قازاقپارات - 38 جاستاعى يسپاندىق تەننيسشى رافاەل نادال مانسابىن اياقتاۋ تۋرالى شەشىم قابىلدادى. بۇل تۋرالى سپورتشىنىڭ ءوزى الەۋمەتتىك جەلىسىندە حابارلادى.

تەننيسشى قاراشا ايىندا وتەتىن دەۆيس كۋبوگىنان كەيىن سپورتپەن قوشتاسادى. «بارشاڭىزعا كوپ، كوپ راقمەت» دەپ 12 تىلدە العىسىن ءبىلدىردى.

رافاەل نادال تەننيس تاريحىنداعى ەڭ تابىستى سپورتشىلاردىڭ ءبىرى. 22 رەت «ۇلكەن دۋلىعا» جارىستارىندا توپ جارعان. 209 اپتا بويى الەمنىڭ ءبىرىنشى راكەتكاسى بولدى، ەكى رەت وليمپيادا ويىندارىندا چەمپيون اتاندى. مانسابىندا 92 چەمپيوندىق اتاق ۇتىپ العان.