بۇل تۋرالى Kazinform اگەنتتىگى The Drinks Business باسىلىمىنا سىلتەمە جاساپ حابارلايدى.
IWSR زەرتتەۋ كومپانياسىنىڭ مالىمەتىنشە، الكوگول ونىمدەرىن تۇتىنۋ ا ق ش پەن قىتايدا ەداۋىر ازايعان. ال ءۇندىستان، برازيليا جانە كولۋمبيا سياقتى ەلدەردە ارتقان.
ساراپشىلاردىڭ پىكىرىنشە، الكوگول تۇتىنۋ كولەمىنىڭ تومەندەۋىنە ىشىمدىكتى شەكتەۋ ءۇردىسىنىڭ كەڭ تارالۋى مەن سەمىزدىكتى ەمدەۋگە ارنالعان GLP-1 توبى پرەپاراتتارىن قولدانۋدىڭ ارتۋى اسەر ەتكەن.
الايدا ساراپشىلار اتالعان فاكتورلار ەكى ءىرى نارىقتا تۇتىنۋ كولەمىنىڭ ايتارلىقتاي تومەندەۋىن تولىق تۇسىندىرە المايتىنىن العا تارتادى.
ماسەلەن، قىتايدا بۇل جاعدايعا ەكونوميكالىق ءوسىمنىڭ باياۋلاۋى، جىلجىمايتىن مۇلىك نارىعىنداعى داعدارىس پەن حالىقتىڭ قارتايۋى اسەر ەتكەن.
ال ا ق ش-تا يمپورتتىق باج سالىعى، ينفلياتسيا مەن ەكونوميكالىق تۇراقسىزدىق تۇتىنۋشىلارعا سالماق سالىپ وتىر.
2026 -جىلدىڭ العاشقى جارتى جىلدىعىندا ا ق ش-تا الكوگول ونىمدەرىن تۇتىنۋ كولەمى 4 پايىز، ال قىتايدا 3 پايىز تومەندەدى.
ال ءۇندىستاندا كەرىسىنشە، الكوگول تۇتىنۋ كولەمى 10 پايىزعى ءوستى. ءوسىم بارلىق سانات بويىنشا بايقالدى. بۇل - IWSR زەرتتەۋ كومپانياسى قاداعالايتىن 21 ءىرى نارىق اراسىنداعى ەڭ جوعارى كورسەتكىش.
سونىمەن قاتار 2026 -جىلدىڭ العاشقى جارتىجىلدىعىندا الكوگول ونىمدەرىن تۇتىنۋ 1 پايىز ازايدى. بۇل وتكەن جىلدىڭ وسى كەزەڭىندەگى تومەندەۋ قارقىنىنان ەكى ەسە باياۋ.
بۇعان دەيىن قازاقستاندا الكوگولسىز سۋسىندار ءوندىرىسى ارتقانى حابارلانعان بولاتىن.