الەكساندر ماشكيەۆيچ ومىردەن وزدى

استانا. قازاقپارات - Eurasian Resources Group (ERG) جانە ەۋرازيالىق قارجى كومپانياسىنىڭ اكسيونەرى، ديرەكتورلار كەڭەسىنىڭ ءتوراعاسى الەكساندر ماشكيەۆيچ ومىردەن وزدى.

بيزنەسىن 4 قۇرلىقتا جۇرگىزەتىن ERG كومپانياسى ءىرى اكسيونەرلەرىنىڭ ءبىرى الەكساندر ماشكيەۆيچ 1954 -جىلى قىرعىزستان استاناسى بىشكەك قالاسىندا دۇنيەگە كەلگەن.

«ەۋرازيالىق قارجى كومپانياسى» ا ق، «ەۋرازيالىق ونەركاسىپ كومپانياسى» ا ق جانە «ەۋرازيالىق وندىرىستىك كومپانيا» ج ش س- ىنە پاتوح شوديەۆ جانە يبراگيموۆتەر اۋلەتىمەن تەڭ يەلىك ەتكەن الەكساندر ماشكيەۆيچ قازاقستان پرەزيدەنتى جانىنداعى شەتەلدىك ينۆەستورلار كەڭەسىنىڭ مۇشەسى بولدى. سونداي-اق قازاقستاننىڭ ات سپورتى فەدەراتسياسىنىڭ قۇرمەتتى پرەزيدەنتى قىزمەتىن اتقاردى.

ەلدەگى ءىرى قارجىلىق الپاۋىتتىڭ ءبىرى ماشكيەۆيچ قازاقستانداعى ەڭ تانىمال كاسىپكەرلەردىڭ ءبىرى بولدى.  ونىڭ بايلىعى شامامەن 4 ميلليارد دوللاردى قۇرايدى.

ERG قۇرامىنا «قازحروم» ترانسۇلتتىق كومپانياسى، سوكولوۆ- سارىباي تاۋ-كەن بايىتۋ وندىرىستىك بىرلەستىگى، «قازاقستان اليۋمينيى»، قازاقستان ەلەكتروليز زاۋىتى جانە باسقا دا كاسىپورىندار كىرەدى. «ەۋرازيالىق بانك» ديرەكتورلار كەڭەستەرىنىڭ ءتوراعاسى.

 ا. ماشكەيەۆيچتىڭ ايىقپاس اۋىر دەرتكە شالدىعىپ، ۇزاق ۋاقىت اۋىرعانى بەلگىلى بولدى.

وسىعان دەيىن Eurasian Resources Group كومپانيالار توبىنىڭ ديرەكتورلار كەڭەسىنىڭ ءتوراعاسى، اكسيونەر الەكساندر ماشكەيەۆيچ ERG كومپانياسى مەديارەسۋرسقا يەلىك ەتۋدەن كەتەتىنىن ايتقان بولاتىن.