الەكساندر لۋكاشەنكو قازاقستانعا ۇ ق ش ۇ سامميتىنە كەلدى

استانا. KAZINFORM - بەلارۋس پرەزيدەنتى الەكساندر لۋكاشەنكو قازاقستانعا جۇمىس ساپارىمەن كەلدى.

بەلارۋس مەملەكەتىنىڭ باسشىسى 28-قاراشا كۇنى استانادا وتەتىن ۇ ق ش ۇ ۇجىمدىق قاۋىپسىزدىك كەڭەسىنىڭ وتىرىسىنا قاتىسادى.

وندا مەملەكەت باسشىلارى حالىقارالىق جانە وڭىرلىك جاعداي، ونىڭ ۇ ق ش ۇ- عا مۇشە مەملەكەتتەردىڭ قاۋىپسىزدىگىنە اسەرى تۋرالى پىكىر الماسادى، ىنتىماقتاستىق ناتيجەلەرى مەن ۇجىمدىق قاۋىپسىزدىك جۇيەسىن ودان ءارى دامىتۋ پەرسپەكتيۆالارىن تالقىلايدى.

سامميت قورىتىندىسى بويىنشا تاراپتار ءبىرقاتار قۇجاتتارعا قول قويۋدى جوسپارلاپ وتىر. ولاردىڭ قاتارىندا ۇلى وتان سوعىسىنداعى جەڭىستىڭ 80 جىلدىعىنا بايلانىستى مالىمدەمە بار.

سونىمەن قاتار، 28-قاراشادا استانادا سىرتقى ىستەر مينيسترلەرى كەڭەسىنىڭ، قورعانىس مينيسترلەرى كەڭەسىنىڭ جانە ۇ ق ش ۇ قاۋىپسىزدىك كەڭەستەرى حاتشىلارى كوميتەتىنىڭ بىرلەسكەن وتىرىسى وتەدى.

ەستەرىڭىزگە سالا كەتەيىك، بۇعان دەيىن قاسىم-جومارت توقايەۆ اقوردادا ۆلاديمير پۋتيندى قارسى الدى.

اۆتور

ەركەجان سماعۇلوۆا