الەكساندر لۋكاشەنكو قاسىم-جومارت توقايەۆتى تۋعان كۇنىمەن قۇتتىقتادى
استانا. KAZINFORM - الەكساندر لۋكاشەنكو ق ر پرەزيدەنتى قاسىم-جومارت توقايەۆتىڭ تۋعان كۇنىنە وراي قۇتتىقتاۋ جەدەلحاتىن جولدادى، دەپ حابارلايدى بەلارۋس باسشىسىنىڭ باسپا ءسوز قىزمەتى.
- بۇگىنگى تاڭدا ءسىزدىڭ بىلىكتى باسشىلىعىڭىزدىڭ ارقاسىندا دوس مەملەكەت - قازاقستان تۇراقتى ەكونوميكالىق ءوسىم مەن ساياسي جۇيەنى كەشەندى جاڭعىرتۋ باعىتىنداعى جۇمىستى جەمىستى اتقارىپ جاتىر. ودان بولەك، جاھاندىق كۇن تارتىبىندەگى ماسەلەلەردە استانانىڭ ۇلەسى ارتىپ كەلە جاتقانىن كورىپ وتىرمىز، - دەلىنگەن قۇتتىقتاۋ ماتىنىندە.
سونداي-اق ول مينسكىدە ەكى ەل اراسىنداعى دوستىققا جانە ءوزارا سەنىمگە قۇرىلعان تاتۋ قارىم-قاتىناس جوعارى باعالاناتىنىن، وسى بايلانىستىڭ ودان ءارى بەكي تۇسۋىنە اسا ءمان بەرىلەتىنىن اتاپ ءوتتى.
- قازاقستان مەن بەلارۋستىڭ كوپفورماتتى قارىم-قاتىناسىنا ءتان ءوزارا سەنىم مەن تەڭدىك قاعيداتى ەكىجاقتى ارىپتەستىك ىرگەتاسىن بۇدان دا بەرىك قىلا تۇەدى دەپ سەنەمىن، - دەپ اتاپ وتكەن الەكساندر لۋكاشەنكو.
وسىعان دەيىن مەملەكەت باسشىسىن تۋعان كۇنىمەن ۆلاديمير پۋتين قۇتتىقتاعان بولاتىن.