استانا. KAZINFORM - قىتايدىڭ ايگىلى حالىقارالىق Alibaba كومپانياسى الداعى ءۇش جىلدا جاساندى ينتەللەكت اپپاراتتىق ينفراقۇرىلىمىن قۇرۋعا 380 ميلليارد يۋاننان استام (52 ميلليارد دوللاردان استام) ينۆەستيتسيا سالماق. بۇل تۋرالى «حالىق گازەتى» باسىلىمى حابارلادى.
Alibaba كومپانياسىنىڭ باس ديرەكتورى ۋ يۋنمين 24-اقپاندا الداعى ءۇش جىلدا Alibaba بۇلتتى جانە جاساندى ينتەللەكت اپپاراتتىق ينفراقۇرىلىمىنا 380 ميلليارد يۋاننان استام ينۆەستيتسيا سالاتىنىن، ونىڭ جالپى سوماسى سوڭعى ون جىلداعى كولەمنەن جوعارى ەكەنىن حابارلادى.
- بۇل قىتايلىق جەكە كومپانيالاردىڭ بۇلتتى جانە جاساندى ينتەللەكت اپپاراتتىق ينفراقۇرىلىمىن قۇرۋعا سالعان ەڭ ءىرى ينۆەستيتسيالاردىڭ رەكوردتىق كورسەتكىشى بولدى، - دەپ جازادى باسىلىم.
ايتا كەتەيىك، بۇعان دەيىن قىتاي پەدياترلارى دياگنوز قويۋ مەن ەمدەۋ پروتسەسىندە جاساندى ينتەللەكتىنى پايدالانا باستاعانىن جازعان بولاتىنبىز.
ريزابەك نۇسىپبەك ۇلى
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.