الداعى كۇندەرى قار جاۋىپ، كۇن سۋىتادى

استانا. KAZINFORM - سينوپتيكتەر الداعى كۇندەرگە ارنالعان اۋا رايى بولجامىن جاريالادى.

الداعى ءۇش كۇندە رەسپۋبليكانىڭ باسىم بولىگىندە قولايسىز اۋا رايى ساقتالادى. اتموسفەرالىق فرونتتارعا بايلانىستى ەلدىڭ بارلىق دەرلىك ايماعىندا نايزاعاي ويناپ، بۇرشاق، جاڭبىر جاۋادى، جەل سوعادى.

24-25-مامىردا سولتۇستىك-باتىستا، سولتۇستىكتە، 25-مامىردا قازاقستاننىڭ ورتالىعىندا جاۋىن-شاشىن، سوڭى قارعا ۇلاساتىن جاڭبىر، كەيدە قاتتى جاۋىن-شاشىن كۇتىلەدى. تەك كەيبىر كۇندەرى باتىس جانە وڭتۇستىك ايماقتاردا جوعارى قىسىم اسەرىنەن جاڭبىر باسىلادى.

«رەسپۋبليكانىڭ باتىس، سولتۇستىك جانە سولتۇستىك-باتىس ايماقتارىندا سكانديناۆيا تۇبەگىنەن اۋىسقان جوعارى قىسىمعا بايلانىستى تۇنگى جانە تاڭەرتەڭگى ۋاقىتتاردا 3 گرادۋسقا دەيىن اياز بولادى، كۇندىز سولتۇستىك جانە سولتۇستىك-باتىس ايماقتاردا 5-13 تەمپەراتۋراعا دەيىن تومەندەيدى دەپ كۇتىلەدى. سونىمەن قاتار، قازاقستاننىڭ وڭتۇستىگىندە، وڭتۇستىك-شىعىسىندا وڭتۇستىك-باتىس اعىنىنا بايلانىستى تەمپەراتۋرا 20-30 گرادۋس جىلىعا دەيىن كوتەرىلەدى»، - دەپ جازىلعان حابارلامادا.