الداعى كۇندەرى كۇن سۋىتۋى مۇمكىن

استانا. قازاقپارات - الداعى كۇندەرى كۇن سۋىتۋى مۇمكىن. سينوپتيكتەر 11-13-شىلدە ارالىعىنا ارنالعان اۋا رايى بولجامىن جاريالادى.

الداعى ءۇش كۇندە اۋا رايىنا وڭتۇستىك تسيكلوننىڭ ىقپالى بولادى، سوندىقتان كۇن رايى بۇلتتى بولادى دەپ كۇتىلەدى، قىسقا مەرزىمدى جاڭبىر جاۋادى، سولتۇستىك-باتىستا، وڭتۇستىك-شىعىستا، 12-13-شىلدەدە باتىستا، 13-شىلدەدە وڭتۇستىكتە، ەلدىڭ ورتالىعىندا قاتتى جاڭبىر جاۋادى. قازاقستان بويىنشا نايزاعاي ويناپ، بۇرشاق جاۋىپ، داۋىل مەن جەل كۇشەيەدى.

«اۋا تەمپەراتۋراسى بىرتىندەپ تومەندەيدى: كۇندىز ەلدىڭ باتىسىندا 25-30 گرادۋسقا دەيىن، سولتۇستىك-باتىستا 20-30 گرادۋسقا دەيىن؛ ال رەسپۋبليكانىڭ سولتۇستىگى مەن شىعىسىندا كۇندىزگى تەمپەراتۋرا 28-38 گرادۋسقا دەيىن كوتەرىلەدى، قالعان اۋماقتا وزگەرىستەر كۇتىلمەيدى»، - دەپ جازىلعان حابارلامادا.