الداعى كۇندەرى اۋا رايى قانداي بولادى؟
16:44, 21 - قازان 2024
استانا. قازاقپارات - سينوپتيكتەر الداعى كۇندەرى اۋا رايى قانداي بولاتىنىن ايتتى.
الداعى ءۇش كۇندە قازاقستاننىڭ باسىم بولىگىندە اتلانتيكالىق تسيكلوننىڭ ىقپالىنان اۋا رايى تۇراقسىز بولادى: جاۋىن-شاشىن (جاڭبىر، قار)، كوكتايعاق بولىپ، باتىس جانە وڭتۇستىك وڭىرلەردە جاڭبىر، جەكەلەگەن وبلىستاردا كۇندىز نايزاعاي بولادى دەپ بولجانادى.
23-قازاندا رەسپۋبليكانىڭ وڭتۇستىك-شىعىسىندا قاتتى جاڭبىر، تاۋلى اۋدانداردا جاۋىن-شاشىن (جاڭبىر، قار)، 24-قازاندا جەتىسۋ وبلىسىنىڭ تاۋلارىندا قاتتى جاۋىن-شاشىن (جاڭبىر، قار) كۇتىلەدى. قازاقستان بويىنشا جەل كۇشەيەدى جانە تۇمان بولجانادى.
تەمپەراتۋرانىڭ فونىندا كۇرت وزگەرىستەر بولمايدى.