الداعى جىلدان باستاپ جاڭا ارنايى جاردەماقى بەرىلەدى

سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەملەكەت تاراپىنان كورسەتىلەتىن قىزمەتتەر تىزىمىنە وزگەرىستەر مەن تولىقتىرۋلار دايىندادى. ونىڭ ءماتىنى «اشىق ن ق ا» سايتىندا جاريالاندى.

«مەملەكەت تاراپىنان كورسەتىلەتىن قىزمەتتەر ءتىزىمى جاڭا تارماقپەن تولىقتىرىلدى. وعان ارناۋلى كاسىبي مەملەكەتتىك جاردەماقىلار تاعايىنداۋ قوسىلدى.

2024-جىلعى 1- قاڭتاردان باستاپ زياندى ەڭبەك جاعدايلارىندا جۇمىس ىستەيتىن قىزمەتكەرلەرگە ونەركاسىپ سالالارىن دامىتۋعا قوسقان قوماقتى ۇلەسىن ەسكەرە وتىرىپ، زەينەت جاسىنا جەتكەنگە دەيىن 55 جاستان باستاپ ارنايى الەۋمەتتىك تولەمدەردى ەنگىزۋ جوسپارلانۋدا. جۇمىسشىنىڭ دەنساۋلىعىنا كەلتىرىلگەن زياننىڭ دارەجەسى ەسكەرىلەدى. وسىعان بايلانىستى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قوعامدىق بىرلەستىكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى اياسىندا تاسىلدەر ازىرلەندى.

زاڭ جوباسىندا ءتورت تولەم كوزىنەن تۇراتىن م ك ق ك قاراستىرىلعان. ونىڭ ءبىرى - رەسپۋبليكالىق بيۋجەتتەن تولەنەتىن ارنايى كاسىبي مەملەكەتتىك جاردەماقى. قازىر زاڭ جوباسى پارلامەنت سەناتىندا قارالىپ جاتىر»، - دەلىنگەن حابارلامادا.

قۇجات جوباسى قوعامدىق تالقىلاۋ ءۇشىن «اشىق ن ق ا» سايتىندا 20- جەلتوقسانعا دەيىن تۇرادى.

ەڭبەك جانە حالىقتى الەۋمەتتىك قورعاۋ مينيسترلىگى زياندى ەڭبەك جاعدايلارىندا جۇمىس ىستەيتىن قىزمەتكەرلەرگە ارناۋلى كاسىبي مەملەكەتتىك جاردەماقىلاردى تاعايىنداۋ، ونى توقتاتا تۇرۋ، جاڭارتۋ جانە تولەۋدى توقتاتۋ قاعيدالارىنىڭ جوباسىن ازىرلەدى.

2024-2026-جىلدارعا ارنالعان ارناۋلى كاسىبي مەملەكەتتىك جاردەماقىلاردى تولەۋگە ارنالعان رەسپۋبليكالىق بيۋجەتتەن شىعىستار 84754,8 ميلليون تەڭگە بولدى.