الداعى دەمالىس كۇندەرى اۋا رايى قانداي بولادى؟
22:58, 20 - قىركۇيەك 2024
استانا. KAZINFORM - سينوپتيكتەر الداعى دەمالىس كۇندەرى اۋا رايى قانداي بولاتىنىن ايتتى.
الداعى دەمالىس كۇندەرى قازاقستاننىڭ باسىم بولىگى ورتالىعى جاڭا جەردىڭ ۇستىندە ورنالاسقان تسيكلون ويپاتىنىڭ ىقپالىندا بولادى، وسىعان بايلانىستى باتىستا جانە وڭتۇستىكتە نايزاعايمەن جاڭبىر جاۋادى.
22-قىركۇيەكتەن باستاپ ەلدىڭ باتىسىنا سكانديناۆيا اۋداندارىنان انتيتسيكلون سىلەمى تارالا باستايدى. رەسپۋبليكا بويىنشا جەلدىڭ كۇشەيۋى بولجانادى، تۇنگى جانە تاڭەرتەڭگى ساعاتتاردا تۇمان كۇتىلەدى، باتىستا، سولتۇستىك-باتىستا جانە ەلدىڭ ورتالىعىندا توپىراق بەتىندە 2 گرادۋسقا دەيىن اياز بولادى.