الداعى ءۇش كۇندە اياز بولادى

سينوپتيكتەر 19، 20، 21-ناۋرىز كۇندەرى اۋا رايى قانداي بولاتىنىن ايتتى.

الداعى ءۇش تاۋلىكتە ەلىمىزدىڭ باسىم بولىگىنە اتموسفەرالىق فرونتالدى بولىمدەر اسەر ەتۋىمەن جاۋىن-شاشىن كۇتىلەدى. قاتتى جاۋىن-شاشىن، جاڭبىر مەن قار تۇرىندە 21-ناۋرىزدا تۇندە قاراعاندى وبلىسىنىڭ وڭتۇستىگىندە، قاتتى جاڭبىر 20-ناۋرىزدا كۇندىز ماڭعىستاۋ وبلىسىنىڭ باتىسىندا جانە وڭتۇستىگىندە، 21-ناۋرىزدا قىزىلوردا وبلىسىندا، 20-21-ناۋرىزدا تۇركىستان وبلىسىندا، 19-ناۋرىزدا كۇندىز، 20-21-ناۋرىزدا كۇندىز جامبىل وبلىسىندا، 21-ناۋرىزدا تۇركىستان وبلىسىنىڭ تاۋلى جانە تاۋ بوكتەرىندەگى اۋداندارىندا جاۋادى.

جاۋىن-شاشىنسىز اۋا رايى 20-21-ناۋرىزدا باتىس قازاقستان، اتىراۋ، اقتوبە وبلىستارىندا، 21-ناۋرىزدا قوستاناي وبلىسىندا كۇتىلەدى. رەسپۋبليكا بويىنشا جەلدىڭ كۇشەيۋى، تۇمان، كوكتايعاق، سولتۇستىكتە جانە ورتالىقتا بۇرقاسىن، قازاقستاننىڭ وڭتۇستىگى مەن وڭتۇستىك-شىعىسىندا نايزاعاي بولجانادى.

ەلىمىزدىڭ باسىم بولىگىندە اۋا تەمپەراتۋراسىنىڭ سولتۇستىك جارتىسىندا تۇندە 7-18 گرادۋس ايازعا دەيىن، كۇندىز 6 گرادۋس اياز 6 گرادۋسقا دەيىن جىلى، رەسپۋبليكانىڭ وڭتۇستىك جارتىسىندا تۇندە 0-10 گرادۋس ايازعا دەيىن، كۇندىز 3-18 گرادۋس جىلىعا دەيىن بىرتىندەپ تومەندەۋى كۇتىلەدى.