الداعى ءۇش كۇندە اۋا رايى قانداي بولادى؟

استانا. قازاقپارات - سينوپتيكتەر قازاقستاندا 17، 18-جانە 19-قىركۇيەكتە اۋا رايى قانداي بولاتىنى تۋرالى بولجام جاسادى.

مەتەورولوگتاردىڭ مالىمەتىنشە، الداعى كۇندەرى انتيتسيكلون قازاقستاننىڭ كوپ بولىگىن قامتيدى، سوندىقتان جاۋىن-شاشىنسىز اۋا رايى ساقتالادى. ەلدىڭ تەك وڭتۇستىك جارتىسىنا تسيكلون جانە ونىمەن بايلانىستى اتموسفەرالىق فرونتال بولىكتەر اسەر ەتەدى، نايزاعاي ويناپ، جاڭبىر جاۋادى.

رەسپۋبليكا بويىنشا جەل كۇشەيەدى دەگەن بولجام بار. تۇنگى جانە تاڭەرتەڭگى ساعاتتاردا ەلدىڭ سولتۇستىگىندە، سولتۇستىك-باتىسىندا جانە شىعىسىندا تۇمان كۇتىلەدى، 17-19-قىركۇيەكتە 2-5- گرادۋسقا دەيىن كۇن سۋىتادى.

«كۇندىز اۋا تەمپەراتۋراسى رەسپۋبليكانىڭ باتىسىندا 20-28+، سولتۇستىك-باتىستا 12-23+، شىعىستا 5-20+، وڭتۇستىكتە 20-30+، ەلدىڭ سولتۇستىگىندە جانە ورتالىعىندا 10-20+، وڭتۇستىك-شىعىستا 17-28+ گرادۋس»، - دەلىنگەن حابارلامادا.