الداعى ءۇش كۇندە اۋا رايى قانداي بولادى

استانا. KAZINFORM - «قازگيدرومەت» ر م ق 21-23-ساۋىرگە ارنالعان قازاقستان بويىنشا اۋا رايى بولجامىن جاريالادى.

سينوپتيكتەردىڭ بولجامىنشا، ماسكەۋ ماڭىنان جىلجىعان سيكلون جانە ونىمەن بايلانىستى اتموسفەرالىق فرونتتار ەلىمىزدىڭ بۇكىل اۋماعىندا تۇراقسىز اۋا رايىن قالىپتاستىرادى.

- جاڭبىر جاۋىپ، 23-ساۋىردە رەسپۋبليكانىڭ وڭتۇستىگى مەن وڭتۇستىك-شىعىسىندا نوسەر جاڭبىر كۇتىلەدى، كۇندىز نايزاعاي ويناپ، كەي جەرلەردە بۇرشاق جاۋۋى مۇمكىن. رەسپۋبليكا بويىنشا جەلدىڭ كۇشەيۋى بولجانادى، تۇنگى جانە تاڭعى ۋاقىتتا تۇمان ءتۇسۋى ىقتيمال، -دەلىنگەن حابارلامادا.

كۇندىز اۋا تەمپەراتۋراسىنىڭ تومەندەۋى كۇتىلەدى: باتىس قازاقستاندا 7-17 گرادۋس جىلى، سولتۇستىكتە 13-20 گرادۋس جىلى، ورتالىقتا 15-23 گرادۋس، ال وڭتۇستىك پەن وڭتۇستىك-شىعىستا 15-20 گرادۋس جىلى بولادى.

بۇعان دەيىن شىعىس قازاقستاندا مامىر ايىندا اۋا رايى قۇبىلمالى بولاتىنىن جازدىق.