الداعى ءۇش كۇندە 25 گرادۋسقا دەيىن اياز بولادى - قازگيدرومەت

استانا. KAZINFORM - قازگيدرومەت الداعى 3 كۇنگە اۋا رايى بولجامىن جاريالادى.

«رەسپۋبليكانىڭ بارلىق دەرلىك اۋماعىندا اۋا رايىنىڭ تۇراقسىز سيپاتى ساقتالادى، قار جاۋادى. قازاقستاننىڭ وڭتۇستىك-باتىسىندا، وڭتۇستىگىندە، وڭتۇستىك-شىعىسىندا قار مەن جاڭبىر تۇرىندە جاۋىن-شاشىن بولجانادى.

ەلدىڭ سولتۇستىگىندە، شىعىسىندا جانە ورتالىعىندا قارلى بۇرقاسىن، كوكتايعاق قۇبىلىستارى، ەلدىڭ باسىم بولىگىندە ەكپىندى جەل كۇتىلەدى. 12-قاراشادا شىعىس قازاقستان وبلىسىندا، 12-13-قاراشادا رەسپۋبليكانىڭ وڭتۇستىك- شىعىسىنداعى تاۋلى اۋدانداردا قالىڭ قار جاۋادى. ال ەلدىڭ وڭتۇستىگىندە قاتتى جاۋىن-شاشىن (جاڭبىر، قار) جاۋۋى مۇمكىن. تەك باتىسىندا، 14-قاراشادا ەلدىڭ وڭتۇستىگىندە جاۋىن-شاشىنسىز اۋا رايى كۇتىلەدى»، - دەلىنگەن قازگيدرومەت حابارلاماسىندا.

سينوپتيكتەردىڭ حابارلاۋىنشا، باتىس وبلىستارىندا اۋا تەمپەراتۋراسىنىڭ تۇندە 0-11 ايازدان 8 گرادۋس اياز-3 گرادۋس جىلۋعا دەيىن، قازاقستاننىڭ سولتۇستىك- باتىسىندا، سولتۇستىگىندە، ورتالىعىنداعى وڭىرلەردە تۇندە 8-18-دەن 3-15 گرادۋس اياز بولادى.13- قاراشادا اۋا تەمپەراتۋراسىنىڭ تۇندە 10-25 گرادۋسقا دەيىن اياز بولسا، كۇندىز مينۋس 5-16 گرادۋسقا دەيىن تومەندەۋى كۇتىلەدى. 14- قاراشادا تۇندە 7-20 گرادۋسقا دەيىن اياز بولادى.

اۆتور

ساياگۇل جارىلقاسىن