الداعى 18-20-ءساۋىر ارالىعىندا كۇن 29 گرادۋسقا دەيىن ىسيدى

استانا. KAZINFORM - قازگيدرومەت سينوپتيكتەرى 18-20-ءساۋىر ارالىعىنا ارنالعان كۇش كۇندىك اۋا رايى بولجامىن جاريالادى.

رەسپۋبليكا اۋماعىنىڭ كوپ بولىگى كەڭ انتيتسيكلوننىڭ ىقپالىندا بولادى.

سوندىقتان جاۋىن-شاشىن توقتاپ، كۇندىزگى اۋا تەمپەراتۋراسى جوعارىلايدى.

تەك قيىر سولتۇستىكتە، شىعىس ايماقتاردا جانە وڭتۇستىك-شىعىس تاۋلارىندا اتموسفەرالىق فرونتتاردىڭ اسەرىنەن اۋا رايىنىڭ تۇراقسىز سيپاتى ساقتالىپ، جاڭبىر نەمەسە قار جاۋادى.

قازاقستان بويىنشا تۇنگى جانە تاڭەرتەڭگى ساعاتتاردا تۇمان بولجانادى، كۇندىزگى ۋاقىتتا نايزاعاي جارقىلدايدى.

رەسپۋبليكا بويىنشا جەل كۇشەيەدى.

تەرمومەتر باعانى تۇندە تەمپەراتۋرانىڭ اۋىتقۋىن كورسەتەدى.

كۇندىز باتىستا، وڭتۇستىكتە تەمپەراتۋرا 25-30 گرادۋس جىلىعا دەيىن، ەلىمىزدىڭ سولتۇستىگىندە 20-25 گرادۋس جىلىعا دەيىن، وڭتۇستىك-شىعىستا 23-29 گرادۋس جىلىعا دەيىن ايتارلىقتاي كوتەرىلەدى.