الدا كۇن جىلىنىپ، ارتىنشا جاڭبىر مەن قار جاۋادى

استانا. قازاقپارات - قازگيدرومەت 9، 10، 11-قازانعا ارنالعان اۋا رايى بولجامىن جاريالادى.

الداعى كۇندەرى ەلىمىزدىڭ كوپتەگەن وڭىرىندە اۋا رايى جاۋىن-شاشىنسىز، جىلى بولادى. تەك 10، 11-قازانعا قاراي رەسپۋبليكانىڭ باتىسى مەن سولتۇستىگىندە جاڭبىر، قار جاۋادى.

رەسپۋبليكا بويىنشا جەل كۇشەيىپ، شىعىس پەن ورتالىقتا تۇمان تۇسەدى، ال وڭتۇستىك-باتىس پەن وڭتۇستىكتە شاڭدى داۋىل تۇرادى.

اۋا تەمپەراتۋراسى ايتارلىقتاي وزگەرمەيدى.