- ەڭ الدىمەن الاياقتاردىڭ قۇربانى بولماۋ ءۇشىن egov.kz ارقىلى نەسيە راسىمدەۋگە تىيىم سالىپ قويۋ كەرەك. اسىرەسە اتا-اجەلەرىڭىزگە ميكروزايم نە نەسيە راسىمدەمەۋى ءۇشىن تىيىم سالىپ قويعان ءجون. ال ەگەر الاياققا س م س-كودىڭىزدى ايتىپ قويساڭىز، بۇل «ءبارى ءبىتتى» دەگەندى بىلدىرمەيدى. دەمەك، ۇيالى تەلەفونىڭىز ارقىلى بانك شوتىڭىزعا كىرە الاتىن بولعاندىقتان قاراجاتىڭىزدى باسقا قاۋىپسىز شوتقا، جاقىن تۋىستارىڭىزعا اۋدارا الاسىز، - دەدى ول استانا قالالىق كوممۋنيكاتسيالار قىزمەتىندەگى بريفينگتە.
ونىڭ ايتۋىنشا، قاراجاتىڭىزدى الاياقتاردىڭ بانك شوتىنا اۋدارىپ قويعان جاعدايدا قىلمىستىق ءىس قوزعاتۋ ءۇشىن پوليتسياعا جۇگىنۋ قاجەت. ولار تەز ارادا اقشا قاراجاتىنىڭ جىلىستاۋ جولىن انىقتاپ، ەل اۋماعىنان شىعۋىنا توسقاۋىل قويۋعا تىرىسادى.
- اقشا قاراجاتتارى كوپ جاعدايدا كريپتوامينعا نەمەسە شەتەلگە شىعارىلادى. ەگەر الاياقتار اتالعان الاياقتىقتى جاساپ ۇلگەرسە، وندا ۇلكن قيىندىقتار تۋىندايدى، - دەدى تالانت قاليەۆ.
بۇعان دەيىن ينتەرنەت الاياقتاردان قالاي قورعانۋعا بولاتىنىن جازعان ەدىك.