الاياقتار eGov تەگى جەكە كابينەتىڭىزگە قالاي كىرە الادى

 استانا. KAZINFORM - ىشكى ىستەر مينيسترلىگىنىڭ رەسمي وكىلى شىڭعىس الەكەشيەۆ كەزەكتى بريفينگىدە الاياقتاردىڭ eGov تەگى جەكە كابينەت ارقىلى دا اقشا ۇرلاي الاتىنىن ەسكەرتتى.

«الاياقتار ۇرلانعان دەرەكتەر ارقىلى eGov تەگى جەكە كابينەتتەرگە كىرىپ، قۇندى اقپارات پەن اقشا جىمقىرۋى مۇمكىن. قۇپيا دەرەكتەردى سۇراپ حابارلاسقان قوڭىراۋلار مەن حابارلامالارعا سەنبەڭىز. بانكتەر مەن پوليتسيا قىزمەتكەرلەرى تەلەفون ارقىلى ارنايى وپەراتسيالار جۇرگىزبەيتىنىن ەستە ۇستاڭىز. مۇنداي جاعدايلاردا تەلەفوندى قويىپ، كۇدىكتى قوڭىراۋلار تۋرالى پوليتسياعا دەرەۋ حابارلاڭىز»، - دەدى شىڭعىس الەكەشيەۆ.

رەسمي وكىلدىڭ ايتۋىنشا، ىشكى ىستەر مينيسترلىگى كيبەرقىلمىستىڭ الدىن الۋ ءۇشىن بانكتەرمەن بىرلەسىپ جۇمىس ىستەۋگە كىرىسكەن.

«بايلانىس وپەراتورلارىمەن فرود- قوڭىراۋلارعا قارسى ءىس- قيمىل تۋرالى مەموراندۋمدار جاسالدى. «كولەسا»، «كرىشا» سياقتى حابارلاندىرۋ سايتتارىمەن جانە كيبەرشابۋىلداردى تالداۋ جانە تەرگەۋ ورتالىعىنىڭ IT كومپانياسىمەن كەلىسىمدەرگە قول قويىلدى. بارلىق وڭىردە ينتەرنەت-الاياقتىقتاردى تەرگەۋ بويىنشا «كيبەرپول» مامانداندىرىلعان توپتارى قۇرىلىپ، جۇمىس ىستەۋدە»، - دەدى ءىء ى م رەسمي وكىلى.