استانا. KAZINFORM - تۇركىستان وبلىسىندا وڭتۇستىك كورەياعا جۇمىسقا ورنالاستىرامىن دەگەن جەلەۋمەن تۇرعىنداردىڭ 92 ميلليون تەڭگەسىن جىمقىرعان الاياق سوتتالدى. بۇل تۋرالى تۇركىستان وبلىسىنىڭ پروكۋراتۋراسى حابارلادى.
- تۇركىستان وبلىسىندا الاياق 2023-2024 -جىلدار ارالىعىندا 23 جابىرلەنۋشىنى وڭتۇستىك كورەيا مەملەكەتىنە ەڭبەك قىزمەتىن جۇزەگە اسىرۋ ءۇشىن جۇمىس ۆيزاسىن جاساپ بەرەمىن دەپ الداپ، 92020000 تەڭگە اقشالارىن الىپ العان، - دەلىنگەن حابارلامادى.
سوت بارىسىندا مەملەكەتتىك ايىپتاۋشى سوتتالۋشىنىڭ كىناسىن تولىق دالەلدەدى.
الاياق 6 جىل مەرزىمگە باس بوستاندىعىنان ايىرىلدى، سونداي-اق 23 جابىرلەنۋشىلەردىڭ ازاماتتىق تالاپ قويۋلارى قاناعاتتاندىرىلدى.
سوت ۇكىمى زاڭدى كۇشىنە ەنگەن جوق.
ايتا كەتەلىك الاياقتارعا اۋدارىلعان اقشانى قالاي قايتارىپ الۋعا بولاتىنى تۋرالى جازعان ەدىك.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан