الاياق استانا تۇرعىنىن «ۆيتسە- مينيستر كومەكشىسىمىن» دەپ الداپ، 65 ميلليون تەڭگە پارا بەرگىزگەن

استانا. KAZINFORM - استانادا جاۋاپكەرشىلىگى شەكتەۋلى سەرىكتەستىكتىڭ كوممەرتسيالىق ديرەكتورى الاياقتىق جانە پارا بەرۋگە يتەرمەلەگەنى ءۇشىن سوتتالدى.

1-تامىزدا استانا قالاسىنىڭ قىلمىستىق مامانداندىرىلعان اۋدانارالىق سوتى ج ش س ديرەكتورى ك- عا اسا ءىرى مولشەردە الاياقتىق جاساعانى جانە اسا ءىرى مولشەردە پارا بەرۋگە يتەرمەلەگەنى ءۇشىن ۇكىم شىعاردى.

ك. 2021 -جىلدىڭ ساۋىرىندە م- نى شەنەۋنىكتەرگە پارا بەرۋگە يتەرمەلەۋ جانە الداۋ، سەنىمگە قيانات جاساۋ ارقىلى ونىڭ اقشاسىن قولعا ءتۇسىرۋ ماقساتىندا «قارجى ۆيتسە- ءمينيسترىنىڭ كومەكشىسىمىن» دەپ الداپ، «ا» جانە «ا س» ج ش س ءۇشىن تولەنگەن سالىقتىڭ كورسەتكىشىن ۇلعايتۋ ماسەلەسىن شەشۋ ءۇشىن قارجى مينيسترلىگىنىڭ لاۋازىمدى تۇلعالارىنا 65 ميلليون تەڭگە سوماسىندا اقشا بەرۋ قاجەتتىگىن ايتىپ سەندىرگەن.

وسىلايشا، ك. پايداكۇنەمدىك نيەتپەن ارەكەت ەتە وتىرىپ، 65 ميلليون تەڭگە سوماسىندا اقشالاي قاراجاتتى ويدان شىعارىلعان مىندەتتەمەلەردى ورىنداماي يەمدەنىپ اكەتكەن.

بۇل رەتتە م- عا اقشالاي قاراجاتتى قارجى مينيسترلىگىنىڭ لاۋازىمدى تۇلعالارىنا بەرگەنىن حابارلاعان.

سوتتالۋشىنىڭ كىناسى كۋاگەرلەردىڭ ايعاقتارىمەن، جاسىرىن تەرگەۋ ارەكەتتەرىنىڭ ناتيجەلەرىمەن، ساراپتامالاردىڭ قورىتىندىلارىمەن، سونداي-اق قىلمىستىق ءىستىڭ باسقا دا ماتەريالدارىمەن دالەلدەندى.

سوتتا پروكۋرور ايىپتالۋشىنى 11 جىلعا باس بوستاندىعىنان ايىرۋدى سۇرادى.

سوتتالۋشى ك. كىناسىن مويىندامادى، سوتتالۋشىنىڭ ءوزى جانە ونىڭ قورعاۋشىلارى سوتتان ونى كىناسىز دەپ تانۋدى جانە اقتاۋدى سۇرادى.

ق ك 190-بابىنىڭ 4-بولىگى بويىنشا مۇلكى تاركىلەنىپ، بەلگىلى ءبىر لاۋازىم اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان 10 جىلعا دەيىنگى مەرزىمگە ايىرا وتىرىپ نەمەسە ونسىز 5 جىلدان 10 جىلعا دەيىن باس بوستاندىعىنان ايىرۋ جازاسى قاراستىرىلعان.

ق ك- ءنىڭ 367-بابىنىڭ 4-بولىگىنىڭ سانكسياسى - مۇلكى تاركىلەنىپ، بەلگىلى ءبىر لاۋازىم اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، پارانىڭ 50-60 ەسەلەنگەن سوماسى مولشەرىندە ايىپپۇل سالۋعا نە 10 جىلدان 15 جىلعا دەيىنگى مەرزىمگە باس بوستاندىعىنان ايىرۋ.

ءىس بويىنشا سوتتالۋشىنىڭ جاۋاپكەرشىلىگى مەن جازاسىن جەڭىلدەتەتىن جانە اۋىرلاتاتىن ءمان-جاي بەلگىلەنبەگەن.

بۇكىل ءمان-جايدى ەسكەرە وتىرىپ، سوت ۇكىمىمەن ك. ق ك- ءنىڭ 190-بابى 4-بولىگىنىڭ 2-تارماعى، 28-بابىنىڭ 4-بولىگى، 367-بابىنىڭ 4-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلىپ، قىلمىس جيىنتىعى بويىنشا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىم اتقارۋ قۇقىعىنان ءومىر بويىنا ايىرىلا وتىرىپ، 10 جىل مەرزىمگە باس بوستاندىعىنان ايىرىلدى.

ۇكىم زاڭدى كۇشىنە ەنگەن جوق.