الەۋمەتتىك جەلىدە جاريالانعان بەينەجازبادا Toyota Camry جانە Geely Coolray اۆتوكولىكتەرىنىڭ جۇرگىزۋشىلەرى جول قوزعالىسى قاعيدالارىن ەلەمەي، اينالاسىنا ءقاۋىپ توندىرگەنى كورىنەدى.
قالالىق پوليتسيا دەپارتامەنتى قاۋىپتى مانەۆر جاساعان ەكى جۇرگىزۋشى 10 تاۋلىككە اكىمشىلىك قاماۋعا الىنعانىن حابارلادى.
- پوليتسيا قىزمەتكەرلەرى 21 جاستاعى ەكى جۇرگىزۋشىنى انىقتادى. ولارعا تيىسىنشە 32 جانە 30 ا ە ك كولەمىندە ايىپپۇل سالىندى. سونىمەن قاتار ولاردىڭ ارەكەتتەرى ۇساق بۇزاقىلىق رەتىندە سارالانىپ، سوت شەشىمىمەن ءارقايسىسى 10 تاۋلىككە اكىمشىلىك قاماققا الىندى. ەكى اۆتوكولىك ارنايى ايىپ تۇراعىنا قويىلدى، - دەپ حابارلادى دەپارتامەنتتەن.
ەسكە سالايىق، 2026 -جىلى 21-ناۋرىزعا قاراعان ءتۇنى Zeekr كولىگىنىڭ جۇرگىزۋشىسى ءال-فارابي داڭعىلىنىڭ بويىمەن كەلە جاتىپ، قارسى قوزعالىس جولاعىنداعى Mercedes اۆتوكولىگىمەن سوقتىعىسقان. جول اپاتى سالدارىنان Mercedes كولىگىنىڭ جۇرگىزۋشىسى مەن ەكى جولاۋشىسى وقيعا ورنىندا قازا تاپتى. اتالعان دەرەك بويىنشا ق ر قىلمىستىق كودەكسىنىڭ 345-بابى 4-بولىگى بويىنشا قىلمىستىق ءىس قوزعالدى.
بيىل 22-ماۋسىمدا سوت الەكساندر پاكتى ق ر قىلمىستىق كودەكسىنىڭ 345-1-بابى بويىنشا كىنالى دەپ تانىلىپ، 10 جىلعا باس بوستاندىعىنان ايىرىلدى.
ال جاقىندا ءال-فارابي داڭعىلىنداعى جول اپاتى بويىنشا ەكس- پوليتسەيگە سوت ۇكىمى شىقتى.