الماتى قالاسى جاستار ساياساتى باسقارماسىنىڭ باسشىسى ازيز كاجدەنبەكتىڭ ايتۋىنشا، بۇگىندە قالاداعى 35 جوعارى وقۋ ورنىندا 221 مىڭ ستۋدەنت ءبىلىم الادى، ونىڭ 149 مىڭى باسقا وڭىرلەردەن كەلگەن جاستار. سوندىقتان قالادا ستۋدەنتتەرگە ارنالعان تۇرعىن ۇيگە دەگەن سۇرانىس جوعارى.
- سوڭعى ءبىر جىلدا جاتاقحانالارداعى ورىن تاپشىلىعى ءتورت ەسەگە جۋىق قىسقاردى. قازىر الماتىدا 136 ستۋدەنتتىك جاتاقحانا جۇمىس ىستەيدى. ونىڭ 43- ءى 2023 -جىلدان بەرى پايدالانۋعا بەرىلگەن، ال بىلتىر رەكوردتىق 4,5 مىڭ ورىن ىسكە قوسىلدى. بۇگىندە جاتاقحانالاردا 46,2 مىڭ ستۋدەنت تۇرادى. بۇل وتكەن جىلمەن سالىستىرعاندا 6 مىڭعا كوپ. 2026 -جىلدىڭ سوڭىنا دەيىن قالادا تاعى 13 نىساندى ىسكە قوسۋ جوسپارلانىپ وتىر. 1 -قىركۇيەككە دەيىن الماتىدا جالپى 61,2 مىڭ ورىن دايىن بولادى، - دەدى ول.
ازيز كاجدەنبەك ستۋدەنتتەر قالاعا كەلىپ جاتقان كەزەڭدە كەڭەس بەرۋ ورتالىقتاردىڭ جۇمىسى كۇشەيتىلگەنىن اتاپ ءوتتى. 10-تامىزدان باستاپ قازاق ۇلتتىق قىزدار پەداگوگيكالىق ۋنيۆەرسيتەتىنىڭ بازاسىندا بوگەنباي باتىر كوشەسى، 142 مەكەنجايىندا احۋالدىق ورتالىق جۇمىس ىستەيدى. ونىڭ جانىندا تاۋلىك بويى جۇمىس ىستەيتىن بايلانىس ورتالىعى بار. كەڭەس الۋ ءۇشىن مىنا تەلەفوندارعا حابارلاسۋعا بولادى: 77009509528, 77272370170.
- ستۋدەنتتەرگە قاي جەردە ورنالاسۋعا بولاتىنى، جاتاقحاناعا قالاي ءوتىنىش بەرۋ كەرەكتىگى، ورىن بەرىلمەگەن جاعدايدا نە ىستەۋ قاجەتتىگى جانە قيىن جاعداي تۋىنداعاندا قايدا جۇگىنۋ كەرەكتىگى تۇسىندىرىلەدى. وسىنداي ورتالىقتار الماتىداعى بارلىق جوعارى وقۋ ورنىندا جۇمىس ىستەيدى، - دەدى باسقارما باسشىسى.
ودان بولەك بەلگىلى ءبىر سەبەپپەن باسپاناسىز قالعان ستۋدەنتتەرگە ۋاقىتشا تۇرعىن ءۇي ۇسىنىلادى. 22 -تامىزدا ماۋلەنوۆ كوشەسى، 108ا مەكەنجايىنداعى ALT ۋنيۆەرسيتەتىنىڭ №1 ستۋدەنتتەر ۇيىندە 50 ورىندىق داعدارىس ورتالىعى اشىلادى.
ەسكە سالايىق، بىلتىر الماتىدا احۋالدىق جانە داعدارىس ورتالىقتارىنا قانشا ستۋدەنت جۇگىنگەنىن جازعانبىز.