الماتىدا دەنساۋلىق ساقتاۋ ۆيتسە-ءمينيسترى ماناس رامازانوۆ دەنساۋلىق ساقتاۋ باسقارمالارىنىڭ باسشىلارىمەن بىرگە ي. جەكەنوۆا اتىنداعى ينفەكسيالىق اۋرۋلار اۋرۋحاناسىنىڭ جوعارى تەحنولوگيالىق زەرتحاناسىنىڭ جۇمىسىمەن تانىستى.
اۋماعى 2480 شارشى مەتر بولاتىن كەشەن تاۋلىگىنە 15 مىڭعا دەيىن بيولوگيالىق سىنامانى وڭدەۋگە جانە جىلىنا 5 ميلليونعا دەيىن زەرتتەۋ جۇرگىزۋگە قاۋقارلى.
زەرتحانانىڭ نەگىزگى تەحنولوگيالىق شەشىمى - جاساندى ينتەللەكت ەلەمەنتتەرى ەنگىزىلگەن اۆتوماتتاندىرىلعان ترەك-جۇيە. ول بيوماتەريالدى قابىلداۋ مەن سۇرىپتاۋدان باستاپ، زەرتتەۋلەر جۇرگىزۋ جانە ناتيجەلەردى جولداۋعا دەيىنگى بارلىق كەزەڭدى قامتيدى.
اۆتوماتتاندىرۋ قولمەن ورىندالاتىن وپەراتسيالاردىڭ سانىن ازايتىپ، ادام فاكتورىن بارىنشا تومەندەتەدى، دياگنوستيكا ۇدەرىسىن جەدەلدەتەدى جانە بيولوگيالىق قاۋىپسىزدىكتى ارتتىرادى.
— زەرتحانا قىزمەتى دياگنوستيكانىڭ تيىمدىلىگىن ارتتىرۋعا، زەرتتەۋ ناتيجەلەرىن الۋ مەرزىمىن قىسقارتۋعا جانە الماتى قالاسىنىڭ ەپيدەميولوگيالىق قاۋىپسىزدىگىن قامتاماسىز ەتۋگە باعىتتالعان.
كەشەن بەس نەگىزگى باعىتتى قامتيدى: اۆتوماتتاندىرىلعان زەرتحانا، يممۋنوفەرمەنتتىك تالداۋ (يفت)، پوليمەرازدى تىزبەكتى رەاكسيا (پ ت ر)، ميكروبيولوگيا، پارازيتولوگيالىق زەرتتەۋلەر، - دەلىنگەن د س م حابارلاماسىندا.
سونىمەن قاتار قاتىسۋشىلارعا قالانىڭ مەديسينالىق ۇيىمدارىمەن دەرەكتەر الماسۋعا ارنالعان سيفرلىق جۇيە، بيوماتەريالدى ورتالىقتاندىرىلعان تاسىمالداۋ ۇدەرىسى جانە زەرتتەۋلەر ساپاسىن باقىلاۋ جۇيەسى تانىستىرىلدى.
مۇنداي تەحنولوگيالاردى ەنگىزۋ زەرتحانالىق زەرتتەۋلەردى ورتالىقتاندىرۋعا، رەسۋرستاردى وڭتايلاندىرۋعا جانە مەديسينالىق كومەكتىڭ ساپاسىن ارتتىرۋعا مۇمكىندىك بەرەدى.
ايتا كەتەلىك استانادا زاماناۋي زەرتحانالىق كەشەن سالىنادى.