ۆەدومستۆونىڭ حابارلاۋىنشا، الماتىنىڭ قولدانىستاعى قۇرىلىس نىساندارىنىڭ سەيسميكالىق توزىمدىلىگىن ايقىنداۋ ماقساتىندا پاسپورتتاۋ جۇمىستارى جۇرگىزىلدى. مۇنداي شارالار ەكى كەزەڭدە، ياعني 2017-2018 -جىلدارى جانە 2023-2024 -جىلدارى اتقارىلعان.
- 2017-2018 -جىلدارى جۇرگىزىلگەن پاسپورتتاۋ قورىتىندىسى بويىنشا 10525 نىسان (8176 - كوپپاتەرلى تۇرعىن ءۇي، 2349 - قوعامدىق ازاماتتىق عيمارات) زەرتتەلدى. ونىڭ ىشىندە 3101 نىسان سەيسميكالىق تۇرعىدان ءتوزىمسىز دەپ تانىلدى (2538 - كوپپاتەرلى تۇرعىن ءۇي، 743 - قوعامدىق- ازاماتتىق عيمارات)، - دەلىنگەن حابارلامادا.
ال 2023-2024 -جىلدارى جۇرگىزىلگەن پاسپورتتاۋدىڭ ەكىنشى كەزەڭى شەڭبەرىندە 10916 نىسان (1641 - كوپپاتەرلى تۇرعىن ءۇي، 9275 - قوعامدىق-ازاماتتىق عيمارات) زەرتتەلدى.
باسقارما مالىمەتىنشە، ونىڭ ىشىندە 2562 نىسان سەيسميكالىق تۇرعىدان ءتوزىمسىز دەپ تانىلدى (408 - كوپپاتەرلى تۇرعىن ءۇي، 2154 - قوعامدىق-ازاماتتىق عيمارات).
بۇل ولقىلىقتاردىڭ ورنىن تولتىرۋ ماقساتىندا ءبىرقاتار شارۋا اتقارىلعان.
- پاسپورتتاۋ ناتيجەلەرى نەگىزىندە، سونداي-اق قولدا بار قاراجاتتى ەسكەرە وتىرىپ، 2017-2024 -جىلدار ارالىعىندا الماتى قالاسىنىڭ اكىمدىگى 82 نىساندا سەيسميكالىق كۇشەيتۋ جۇمىستارىن جۇرگىزدى، ونىڭ ىشىندە 64 ءبىلىم بەرۋ، 16 دەنساۋلىق ساقتاۋ جانە 2 اكىمشىلىك نىسان، - دەلىنگەن رەسمي جاۋاپتا.