ماسەلەنى شەشۋ ءۇشىن جول قوزعالىسى جانە جولاۋشىلار كولىگىن ۇيىمداستىرۋ باسقارماسى اۆتوتۇراق قۇنىن جول ۋچاسكەسىنىڭ جۇكتەمەسىنە قاراي بەلگىلەۋدى ۇسىنىپ وتىر. بۇل ورايدا كولىك قوزعالىسى قالىپتى كوشەلەردە باعا وزگەرمەيدى، 100 تەڭگە بولىپ قالا بەرەدى. ال ورتاشا جۇكتەمەدەگى ۋچاسكەلەردە 150, ال كولىك كوپ جۇرەتىن ورتالىق كوشەلەردە 200 تەڭگەگە دەيىن كوتەرىلۋى مۇمكىن.
جالپى مەگاپوليستە كوممۋنالدىق اۆتوتۇراقتىڭ تاريفى كەيىنگى 10 جىلدان بەرى بەرى وزگەرمەگەن. ال مۇنداي اۆتوتۇراق قۇنى تاشكەنتتە ساعاتىنا 220-450 تەڭگە، ماسكەۋدە 2 مىڭ مەن 4 مىڭ تەڭگەنىڭ ارالىعىندا.
ەرجان ديحانبايەۆ، قالالىق جول قوزعالىسى جانە جولاۋشىلار كولىگىن ۇيىمداستىرۋ باسقارماسىنىڭ باسشىسى:
- بىزدە كۇنىنە سانى ميلليونان اسا كولىك پايدالانادى. ويتكەنى ولار كوبىنەسە تاڭەرتەڭنەن كەشكە دەيىن عانا تۇرادى. ءبىزدىڭ ماقساتىمىز - ول ماسەلەنى شەشۋ. قىسقا عانا ۋاقىتقا كەلەتىن كولىكتەرگە ورىن بولۋى كەرەك. تاڭەرتەڭنەن كەشكە دەيىن قالدىرۋ دەگەن دۇرىس ەمەس. اقىلى تۇراقتىڭ ءدال جانىندا ورنالاسقان ۇيلەردىڭ تۇرعىندارى تۇراققا رۇقسات راسىمدەپ، اۆتوكولىگىن تەگىن قويا الادى. سونداي-اق مۇگەدەكتىگى بار ادامدارعا، كوپ بالالى انالارعا جانە ەلەكتروموبيل يەلەرىنە جەڭىلدىك قاراستىرىلعان.
24.kz س