ۆەدومستۆونىڭ مالىمەتىنشە، نىساننىڭ ىسكە قوسىلۋى ستانسيانى اۋقىمدى جاڭعىرتۋ جانە كومىردەن تابيعي گازعا كوشىرۋ جۇمىستارىنىڭ كەزەكتى ماڭىزدى كەزەڭى.
— جاڭا سۋ جىلىتۋ قازاندىعى جىلىتۋ جانە ىستىق سۋمەن جابدىقتاۋ قاجەتتىلىكتەرى ءۇشىن جىلۋ وندىرەدى. ونىڭ ىسكە قوسىلۋى الماتى تۇتىنۋشىلارىن سەنىمدى جىلۋمەن قامتاماسىز ەتۋگە جانە قاجەتتى جىلۋ قۋاتىنىڭ رەزەرۆىن قالىپتاستىرۋعا مۇمكىندىك بەرەدى، — دەلىنگەن حابارلامادا.
وسىلايشا، الماتىداعى №2 ج ە و- دا جىلۋ گەنەراتسياسىنىڭ جاڭا نىسانى ىسكە قوسىلدى. ال كەلەسى ماڭىزدى كەزەڭ ەلەكتر ەنەرگياسىن وندىرۋگە ارنالعان بۋ-گاز قوندىرعىسىنىڭ ەنەرگەتيكالىق جابدىقتارىن ىسكە قوسۋ بولادى.
ستانسيانى جاڭعىرتۋ كومىردى پايدالانۋدان باس تارتۋعا، ەلەكتر جانە جىلۋ ەنەرگياسىن ءوندىرۋ تيىمدىلىگىن ارتتىرۋعا، سونداي-اق الماتى قالاسىنا تۇسەتىن ەكولوگيالىق جۇكتەمەنى ازايتۋعا مۇمكىندىك بەرەدى.
ايتا كەتەيىك، بۇعان دەيىن سوڭعى جەتى جىلدا قازاقستاندا 3,6 ميلليون ادام تابيعي گازعا قول جەتكىزگەنىن جازدىق. وسى كەزەڭدە 772 ەلدى مەكەن گازداندىرىلىپ، 31,5 مىڭ شاقىرىمنان استام گاز جەلىسى تارتىلدى. ال 2035 -جىلعا قاراي ەلدەگى گازداندىرۋ دەڭگەيىن �- عا جەتكىزۋ جوسپارلانىپ وتىر.