ونىڭ ايتۋىنشا، قالاداعى كارىز جۇيەسىنە تۇسەتىن جۇكتەمەنى ازايتۋ ماقساتىندا وندىرىستىك اعىن سۋلارعا قويىلاتىن تالاپتار كۇشەيتىلىپ جاتىر.
قوعامدىق تاماقتانۋ نىساندارى، ياعني بارلىق مەيرامحانا مەن ءدامحانا ماي ۇستاعىشتاردى دۇرىس پايدالانىپ، ولاردى ۋاقىتىلى تازالاۋدى قامتاماسىز ەتۋى ءتيىس. سونىمەن قاتار ورتالىق كارىز جۇيەسىنە توگىلەتىن وندىرىستىك اعىن سۋلارعا قويىلاتىن تالاپتار مەن جەرگىلىكتى تازارتۋ قۇرىلىستارىن پايدالانۋ تالاپتارى دا كۇشەيتىلىپ جاتىر، - دەدى تاكىبايەۆ.
سونداي-اق جىل باسىنان بەرى الماتىداعى 300 اۆتوجۋۋ ورنى العاش رەت اينالىمدىق نەمەسە قايتا پايدالانىلاتىن سۋمەن جابدىقتاۋ جۇيەلەرىمەن جابدىقتالعان.
ماماننىڭ سوزىنشە، قابىلدانىپ جاتقان شارالاردىڭ بارلىعى قالالىق كارىز جۇيەسىنە تۇسەتىن سالماقتى تومەندەتۋگە جانە اعىن سۋلاردى تازارتۋ ساپاسىن ارتتىرۋعا باعىتتالعان.