الماتىدا ەندى ارنايى تۇراقتا كولىك ساقتاۋ ءۇشىن اقى الىنادى

الماتى قالاسىنىڭ جول قوزعالىسى جانە جولاۋشىلار كولىگىن ۇيىمداستىرۋ باسقارماسىنىڭ مالىمەتىنشە، 4-قازاننان باستاپ كولىك قۇرالدارىن كوممۋنالدىق ارنايى تۇراقتارعا ەۆاكۋاتسيالاۋ ءۇشىن تولەمنىڭ ءبىرىڭعاي ءتارتىبى قولدانىلادى. تولەم مولشەرى 18-قىركۇيەكتە الماتى قالاسى ءماسليحاتىنىڭ كەزەكتەن تىس سەسسياسىندا بەكىتىلدى.

ەۆاكۋاتسيا قۇنى كولىكتىڭ بارلىق ساناتى ءۇشىن 3 ا ە ك، ياعني 12975 تەڭگە بولادى. جەڭىل اۆتوكولىكتى ارنايى تۇراقتا ساقتاۋ قۇنى العاشقى تاۋلىككە 2,5 ا ە ك (10812,5 تەڭگە)، كەيىنگى ءار تاۋلىككە 5 ا ە ك (21625 تەڭگە) مولشەرىندە بەلگىلەندى.

كولىك يەلەرىنە قۇقىق بۇزۋشىلىقتاردى جويىپ، اۆتوكولىكتەرىن 3 قازانعا دەيىن ارنايى تۇراقتان الىپ كەتۋ ۇسىنىلادى.

ايتا كەتەيىك، بۇل وزگەرىس بارلىق ەۆاكۋاتسيا جاعدايىنا قاتىستى ەمەس. ول اكىمشىلىك قۇقىق بۇزۋشىلىق تۋرالى كودەكستە كوزدەلگەن جاعدايدا ۇستالىپ، ارنايى تۇراققا جەتكىزىلگەن كولىك قۇرالدارىنا عانا قولدانىلادى.