الماتىدا پوليتسيانىڭ قىزمەتتىك كولىگىنە تاس لاقتىرعان ايەل ۇستالدى. وقيعا كۋاگەرلەردىڭ ۆيدەوسىنا ءتۇسىپ، كەيىن الەۋمەتتىك جەلىدە تاراعان، دەپ حابارلايدى turkystan.kz.
بەينەجازبادا ەرەسەك ايەلدىڭ تۇراقتا تۇرعان پوليتسيا كولىگىنە قاراي تاس لاقتىرىپ جاتقانىن كورۋگە بولادى. وسى ارەكەتىنەن كەيىن ءتارتىپ ساقشىلارى ونى ۇستاعان. پوليتسەيلەردى كورگەن ايەل قاشۋعا تىرىسقانىمەن، الىسقا ۇزاي الماعان.
الماتى قالالىق پوليتسيا دەپارتامەنتى قۇقىق بۇزۋشىنىڭ جەكە باسى انىقتالعانىن حابارلادى.
«ايەلدىڭ جەكە باسى انىقتالدى. ول ۇساق بۇزاقىلىق جاساعانى ءۇشىن جاۋاپكەرشىلىككە تارتىلدى»، - دەپ مالىمدەدى ۆەدومستۆو.
پوليتسيا وكىلدەرىنىڭ ايتۋىنشا، ايەلدىڭ ارەكەتى تۇسىنىكسىز بولعان. ونىڭ پسيحوەموتسيونالدىق جاعدايىن تەكسەرۋ ءۇشىن وقيعا ورنىنا جەدەل مەديتسينالىق جاردەم بريگاداسى شاقىرىلعان.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан