الماتى قالاسى تۋريزم باسقارماسىنىڭ مالىمەتىنشە، جاڭا باعىت بويىنشا Airbus A330 ۇشاقتارى اپتاسىنا ەكى رەت قاتىنايدى. اۋە ەركىندىگىنىڭ بەسىنشى دارەجەسى قۇقىعىنىڭ ارقاسىندا جولاۋشىلار بۇكىل باعىت بويىنشا عانا ەمەس، الماتى مەن پراگا اراسىندا ۇشۋعا مۇمكىندىگى بار. ياعني، ۆەتنام استاناسىنان قازاقستانعا كەلگەن ۇشاققا ادامدار جەكە بيلەت الىپ، چەحيا استاناسىنا اتتانا الادى. كەرى باعىتتا دا بۇل مۇمكىندىك ساقتالادى.
- 2025 -جىلى الماتىعا كەلگەن ۆەتنام تۋريستەرىنىڭ سانى الدىڭعى جىلمەن سالىستىرعاندا عا ارتتى. جاڭا باعىت ۆەتناممەن تۋريستىك بايلانىستى ودان ءارى دامىتۋعا جانە الماتىنىڭ وسى ەلدەن كەلەتىن ساياحاتشىلار ءۇشىن تارتىمدىلىعىن ارتتىرۋعا ىقپال ەتەدى، - دەپ حابارلادى باسقارمادان.
الماتى اۋەجايىنىڭ مالىمەتىنشە، بۇل رەيستىڭ الماتى مەن حانوي اراسىنداعى ۇشۋ ۇزاقتىعى شامامەن 6 ساعات 10 مينۋت، ال الماتى مەن پراگا اراسىنداعى ۇشۋ ۇزاقتىعى شامامەن 7 ساعات 35 مينۋت بولادى.
ەسكە سالايىق، بيىل 30-قاراشادان باستاپ الماتى - توكيو رەيسى باستاپ ىسكە قوسىلادى.
سونداي-اق Air Astana اۋە كومپانياسى قازاقستاننان ومانعا ەكى جاڭا باعىت بويىنشا تۇراقتى رەيستەردى ىسكە قوسپاق. ۇشاقتار الماتى مەن استانادان سالالا قالاسىنا قاتىنايدى.