الماتى. KAZINFORM - «مەدەۋ» بيىك تاۋلى سپورت كەشەنىن قايتا جاڭعىرتۋ جوباسىن ىسكە اسىرۋ اياسىندا بيىلعى جىلدىڭ 16-ماۋسىمىنان جەلتوقسان ايىنا دەيىن كەشەنگە جاقىن ورنالاسقان اۆتوتۇراققا كىرۋ ۋاقىتشا شەكتەلەدى.
الماتىنىڭ قۇرىلىس باسقارماسى باسپا ءسوز قىزمەتىنىڭ مالىمەتىنشە، شەكتەۋ قۇرىلىس-مونتاج جۇمىستارىنىڭ جۇرگىزىلۋىنە جانە نىسان اۋماعىنداعى قاۋىپسىزدىكتى قامتاماسىز ەتۋ قاجەتتىلىگىنە بايلانىستى ەنگىزىلىپ وتىر.
- ۋاقىتشا قولايسىزدىقتارعا تۇسىنىستىكپەن قاراۋلارىڭىزدى جانە قوزعالىس باعىتىن الدىن الا جوسپارلاۋلارىڭىزدى سۇرايمىز، - دەلىنگەن حابارلامادا.
ەسكە سالايىق، بۇعان دەيىن كونستيتۋتسيالىق سوت «شىمبۇلاق» شاتقالىنا كولىك قۇرالدارىنىڭ كىرۋىنە شەكتەۋدى كونستيتۋتسيالىق ەمەس دەپ تانىعانىن حابارلاعانبىز.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.