قالالىق جاستار ساياساتى باسقارماسىنىڭ مالىمەتىنشە، ولاردىڭ 149 مىڭى قازاقستاننىڭ باسقا وڭىرلەرىنەن كەلگەن، ال 17 مىڭى - شەتەلدىك ستۋدەنتتەر. قازىر قالادا جاتىن ورىن قاجەت ەتەتىن ستۋدەنتتەرگە ارنالعان 136 جاتاقحانا جۇمىس ىستەيدى. ونىڭ 93 ءى وقۋ ورىندارىنىڭ قاراماعىندا بولسا، 43 ءى جەكەمەنشىككە تيەسىلى. ودان بولەك ستۋدەنتتەردى ورنالاستىرۋ ءۇشىن 60 حوستەل دە پايدالانىلىپ جاتىر.
- قازىرگى كەزدە الماتىداعى بىرنەشە جەكەمەنشىك جاتاقحانادا ستۋدەنتتەردى ورنالاستىرۋعا مۇمكىندىك بار. جالپى سانى 830 بوس ورىن ۇسىنىلىپ وتىر. جاتاقحاناعا ورنالاسۋ ماسەلەلەرى بويىنشا 77051913419 تەلەفونى ارقىلى كەڭەس الۋعا بولادى، - دەپ حابارلادى باسقارمادان.
ۆەدومستۆو وكىلدەرى جاستاردى جاتاقحانامەن قامتاماسىز ەتۋ ماقساتىندا قالادا جاڭا نىساندار اشىلىپ جاتقانىن اتاپ ءوتتى. ماسەلەن، 2023-2025-جىلدارى جالپى 12773 ورىنعا ارنالعان 43 نىسان پايدالانۋعا بەرىلگەن. ال 2026-جىلى تاعى 13 نىساندى ىسكە قوسۋ جوسپارلانىپ وتىر. ولار 3775 ورىنعا شاقتالعان.
- 2026-جىلدىڭ قورىتىندىسى بويىنشا الماتىداعى ستۋدەنتتەرگە ارنالعان تۇرعىن ءۇي قورىنىڭ جالپى سىيىمدىلىعى شامامەن 50 مىڭ ورىنعا جەتەدى دەپ بولجانىپ وتىر، - دەپ حابارلادى باسقارمادان.
ەسكە سالايىق، قازاقستان 2029-جىلعا قاراي 100 مىڭ شەتەلدىك ستۋدەنتتى قابىلداۋى مۇمكىن.