ونىڭ ايتۋىنشا، ۋنيۆەرسيتەت باسشىلىعى مارقۇمنىڭ وتباسىنا قاجەتتى كومەك كورسەتكەن.
- ءبىز بىردەن قامقورشىلارىمەن بايلانىسقا شىقتىق. بارلىق شىعىندى ۋنيۆەرسيتەت ءوز موينىنا الدى، تولەمدى دە قايتا قالپىنا كەلتىردىك. اكەسىمەن جانە قامقورشىلارىمەن تىكەلەي بايلانىستامىز، قاجەتتى كومەكتىڭ بارلىعىن كورسەتۋگە دايىنبىز. ءبىزدىڭ تاراپىمىزدان جاسالۋى ءتيىس بارلىق ارەكەت ورىندالدى، - دەدى مينيستر قۇرىلتايدا وتكەن بريفينگىدە.
سونداي-اق ول جۋرناليستەردى وقيعانىڭ ءمان-جايىن جاريالاۋ كەزىندە ساق بولۋعا شاقىردى. سەبەبى قازىرگى ۋاقىتتا تەرگەۋ امالدارى جالعاسىپ جاتىر.
- سوتقا دەيىن تەرگەۋ ورگاندارىنىڭ بارلىق ارەكەتى جاريا ەتىلمەۋى كەرەك. ءبىز دە بۇعان قاتىستى جۋرناليستەردەن تۇسىنىستىك تانىتۋدى سۇرايمىز. بۇل وقيعا كەڭىنەن تالقىلانىپ جاتىر، الايدا تەرگەۋ ءالى جالعاسىپ جاتىر. ءبىز ءتىپتى رەسمي تۇردە ەشقانداي تۇسىنىكتەمە بەرگەن جوقپىز. ويتكەنى الماتى قالاسىنىڭ پوليتسيا دەپارتامەنتى ۋنيۆەرسيتەتكە پروتسەستىك ارەكەتتەر ءجۇرىپ جاتقان كەزەڭدە اقپارات جاريالاۋعا قاتىستى قاتاڭ ەسكەرتۋ جاسادى. سوندىقتان جاريالانىمداردا مۇقيات بولۋىڭىزدى سۇرايمىز، - دەدى ساياسات نۇربەك.
ايتا كەتەيىك، بۇعان دەيىن الماتىدا قاز ۇ ۋ ستۋدەنتىنىڭ ولىمىنە قاتىستى قىلمىستىق ءىس قوزعالعانىن جازعانبىز.