وقيعانىڭ بەينەجازباسى جەلىلەردە جاريالاندى. وندا الماتىلىقتار قارا ءتۇستى سۋدىڭ قايدان شىققانىن ءارى قۇرامىندا نە بار ەكەنىن تەكسەرۋدى تالاپ ەتتى.
ەكولوگيا جانە قورشاعان ورتا باسقارماسىنىڭ وكىلدەرى اۋەزوۆ اۋدانى اكىمدىگىمەن بىرلەسىپ، سانيتاريالىق- ەپيدەميولوگيالىق باقىلاۋ دەپارتامەنتىنىڭ جانە بوستاندىق اۋداندىق اكىمشىلىك پوليتسيا باسقارماسىنىڭ قىزمەتكەرلەرى اتالعان اۋماقتا تەكسەرۋ جۇرگىزگەنىن حابارلادى.
تەكسەرۋ ناتيجەسىندە انىقتالعان سۋ اعىنى — جاڭبىر مەن قار سۋىن، سونداي-اق باۋ-باقشا سۋاراتىن سۋدى اعىزۋعا ارنالعان سۋ قۇبىرىنىڭ جانە ارىق جەلىسىنىڭ ءبىر بولىگى ەكەنى بەلگىلى بولدى.
سونىمەن قاتار قورشاعان ورتانىڭ ىقتيمال لاستانۋىن بولدىرماۋ ماقساتىندا زەرتحانالىق زەرتتەۋلەر جۇرگىزۋ ءۇشىن سۋ ۇلگىلەرى الىنعان.
- تەكسەرىس ناتيجەلەرى بويىنشا ەكولوگيالىق زاڭناما تالاپتارىنىڭ بۇزىلعانى انىقتالعان جاعدايدا قۇزىرەتتى ورگاندار قازاقستان رەسپۋبليكاسىنىڭ قولدانىستاعى زاڭناماسى شەڭبەرىندە ءتيىستى شارالار قابىلدايتىن بولادى، - دەلىنگەن ەكولوگيا باسقارماسىنىڭ مالىمدەمەسىندە.