23-قىركۇيەكتەن باستاپ FlyArystan الماتى-چۇڭشيڭ باعىتى بويىنشا تۇراقتى رەيستەردى ىسكە قوستى. بۇل تۋرالى كولىك مينيسترلىگى ءمالىم ەتتى.
قازاقستان رەسپۋبليكاسى كولىك مينيسترلىگى ۇشۋ گەوگرافياسىن كەڭەيتۋ جانە حالىقارالىق رەيستەر سانىن ارتتىرۋ باعىتىندا تۇراقتى نەگىزدە جۇمىس جۇرگىزىپ جاتىر.
23-قىركۇيەكتە قازاقستاندىق «FlyArystan» اۋە كومپانياسى الماتى - چۇڭشيڭ جاڭا باعىتى بويىنشا تۇراقتى رەيستەردى ىسكە قوستى. رەيستەر اپتاسىنا 2 رەت - سارسەنبى جانە سەنبى كۇندەرى «Airbus A320neo» اۋە كەمەلەرىمەن ورىندالادى.
قازاقستان مەن قىتاي اراسىنداعى اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق، ىسكەرلىك، ينۆەستيتسيالىق، تۋريستىك جانە مادەني ىنتىماقتاستىقتى ودان ءارى دامىتۋعا ىقپال ەتەدى.