18:15, 09 قىركۇيەك 2026

الماتىدا قايرات ساتىبالدى ۇلىنا تيەسىلى بولعان قوناق ءۇي ساتىلىمعا شىعارىلدى

استانا. قازاقپارات - الماتىدا بۇعان دەيىن قايرات ساتىبالدى ۇلىنا تيەسىلى بولعان Double Tree by Hilton قوناق ءۇي كەشەنى ساتىلىمعا شىعارىلدى. نىساننىڭ باستاپقى قۇنى - 12,7 ميلليارد تەڭگە.

Фото: Massaget.kz/Болат Айтмолда

نىساندى ساتقالى جاتقان مەكەمە - الماتى قالاسىنىڭ مەملەكەتتىك مۇلىك جانە جەكەشەلەندىرۋ دەپارتامەنتى.

لوت سيپاتتاماسىندا قوناق ءۇي كەشەنىنىڭ جالپى اۋدانى 16196,4 شارشى مەتر بولاتىنى جانە ول دوسمۇحامەدوۆ كوشەسى، 115 مەكەنجايىندا ورنالاسقانى ايتىلعان.

نىسان 0,2581 گەكتار جەردە ورنالاسقان. جەر ۋچاسكەسى جەكەشەلەندىرۋ نىسانىنىڭ قۇرامىنا كىرمەيتىنى جانە ونىڭ باعالاۋ قۇنىنا ەنگىزىلمەگەنى، الايدا زاڭناماعا سايكەس ساتىپ الۋشىعا وتەتىنى ايتىلعان.

قوناق ءۇيدىڭ باستاپقى باعاسى - 12759410000 تەڭگە، اۋكسيون باعانى كوتەرۋ ءادىسى بويىنشا وتەدى. ساۋدا-ساتتىق 25-قىركۇيەكتە باستالادى.

ايتا كەتەيىك، DoubleTree by Hilton قوناق ءۇيى قايرات ساتىبالدى ۇلىنىڭ اكتيۆتەرىمەن بايلانىستىرىلادى. بۇعان دەيىن الماتى قالالىق مەملەكەتتىك مۇلىك دەپارتامەنتى قوناق ءۇي 2023-جىلعى 18-قىركۇيەكتە قايرات ساتىبالدى ۇلى مەن ۆەدومستۆو اراسىندا جاسالعان سىيعا تارتۋ شارتى اياسىندا مەملەكەت مەنشىگىنە وتكەنىن حابارلاعان بولاتىن.

قوعام
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.