ال كەرى باعىتتاعى رەيس توقتاتىلدى. بۇعان پاۆلودار اۋەجايىندا ۇشاقتى مۇزدانۋعا قارسى وڭدەۋ مۇمكىندىگىنىڭ بولماۋى سەبەپ بولعان.
كومپانيانىڭ مالىمەتىنشە، FS-7131 رەيسى الماتىدان ۇشىپ شىققاننان كەيىن كەرى قايتقان. ال پاۆلوداردان الماتىعا باعىتتالعان FS-7132 رەيسى توقتاتىلدى.
ۇشۋ كەزىندە پاۆلودارداعى كۇن رايى ناشارلاپ، جاۋىن-شاشىن بولجانعان. مۇنداي جاعدايدا اۋە كەمەسى ۇشار الدىندا مۇزدانۋعا قارسى ارنايى وڭدەۋدەن ءوتۋى كەرەك. الايدا پاۆلودار اۋەجايىندا مۇنداي مۇمكىندىك بولماعاندىقتان، قاۋىپسىزدىك ماقساتىندا ۇشاقتى الماتىعا قايتارۋ تۋرالى شەشىم قابىلدانعان.
FlyArystan رەيستەردىڭ قايتا باستالاتىنى تۋرالى قوسىمشا حابارلايتىنىن مالىمدەدى.
كومپانيا جولاۋشىلارعا بوس ورىندار بولعان جاعدايدا بيلەتىن ەڭ جاقىن رەيسكە ءبىر رەت تەگىن قايتا راسىمدەۋگە نەمەسە بيلەت اقشاسىن تولىق قايتارىپ الۋعا مۇمكىندىك بەرەدى.
كومپانيا برونداۋ كەزىندە كورسەتىلگەن تەلەفون نومىرلەرىنە حابارلاما جىبەرىلگەنىن اتاپ ءوتتى.
ەسكە سالايىق، بۇعان دەيىن قازاقستاننىڭ قاي اۋەجايلارىندا ۇشاقتار قۇستارمەن ءجيى سوقتىعىساتىنىن جازعانبىز.