جوبالار اياسىندا وسىمدىك شيكىزاتىنان ماكارون ونىمدەرى مەن ميكروەلەمەنتتەرگە بايىتىلعان ۇن ءوندىرۋ كوزدەلگەن.
الماتىدا عىلىمي جوبالارعا بولىنگەن 945 ميلليون تەڭگە بيۋجەت قاراجاتىن جىمقىرۋ دەرەگى بويىنشا «Bal halal» ج ش س ديرەكتورىنىڭ ءىسى تەرگەۋدەن ءوتتى. كۇدىكتى مەملەكەت قارجىسىن زاڭسىز پايدالاندى دەگەن ايىپقا ءىلىندى، دەپ حابارلايدى kznews.kz.
الايدا تەكسەرۋ بارىسىندا ساتىپ الىنعان جابدىقتاردىڭ جوسپارلانعان ونىمدەردى شىعارۋعا جارامسىز ەكەنى انىقتالعان. تەرگەۋ نۇسقاسى بويىنشا، كۇدىكتى قارجىنىڭ ءبىر بولىگىن وزىنە قاتىسى بار «SMART 15» كومپانياسى ارقىلى اۋدارىپ وتىرعان. وسى ۇيىمنىڭ شوتتارىنا جابدىقتار مەن قىزمەتتەرگە اقى تولەۋ دەگەن جەلەۋمەن 736,4 ميلليون تەڭگە تۇسكەن.
قاراجاتتى جىمقىرۋ سحەماسىنا وزگە دە كاسىپكەرلىك سۋبەكتىلەرى، سونىڭ ىشىندە «فابريكا رەكلامى شىمكەنت»، «Jana tan» جانە «Sisters Brand KZ» قاتىسقان دەگەن كۇدىك بار.
سونىمەن قاتار عىلىمي جوبالاردىڭ ورىندالۋىن باقىلاۋ جۇمىستارى تەك قاعاز جۇزىندە جۇرگىزىلگەن. مونيتورينگ توبىنىڭ مۇشەلەرى ءوندىرىس ورىندارىنا بارماي-اق، ءتيىستى قۇجاتتارعا قول قويعان. ال تەكسەرۋ اكتىلەرىن كومپانيا قىزمەتكەرلەرى وزدەرى ازىرلەگەن.
تەرگەۋ مالىمەتىنشە، قولما-قول اقشاعا اينالدىرىلعان قاراجاتتىڭ 88,5 ميلليون تەڭگەسى كەيىن «Bal halal» كومپانياسىنىڭ شوتتارىنا قايتا اۋدارىلىپ، جەكە ينۆەستيتسيا رەتىندە كورسەتىلگەن.
ق م ا دەرەگىنە سايكەس، مەملەكەتكە كەلتىرىلگەن شىعىن 945 ميلليون تەڭگەنى قۇرايدى. قازىرگى ۋاقىتتا كومپانيا ديرەكتورى قاماۋدا. سوت سانكسياسىمەن جالپى قۇنى 830 ميلليون تەڭگە بولاتىن بەس جەر تەلىمى، ءتورت اۆتوكولىك، استاناداعى پاتەر، كوممەرتسيالىق نىسان مەن زەرگەرلىك بۇيىمدارعا تىيىم سالىنعان.
قىلمىستىق ءىس بويىنشا تەرگەۋ اياقتالدى. كۇدىكتىنىڭ كىناسى سوت ۇكىمى زاڭدى كۇشىنە ەنگەننەن كەيىن عانا انىقتالادى.