قالالىق پوليتسيا دەپارتامەنتىنىڭ مالىمەتىنشە، اتالعان دەرەك بويىنشا بوستاندىق اۋداندىق پوليتسيا باسقارماسى جانىنداعى پوليتسيا بولىمىندە قىلمىستىق ءىس قوزعالدى.
— قازىرگى ۋاقىتتا جۇرگىزىلىپ جاتقان تەرگەۋ ارەكەتتەرى، ونىڭ ىشىندە سانيتاريالىق- ەپيدەميولوگيالىق باقىلاۋ قىزمەتىنىڭ تەكسەرۋ قورىتىندىسى نەگىزىندە وقيعانىڭ بارلىق ءمان-جايى انىقتالىپ، ءتيىستى پروتسەستىك شەشىم قابىلدانادى، - دەپ حابارلادى دەپارتامەنتتەن.
ەسكە سالايىق، بۇعان دەيىن الماتىدا رەسپۋبليكالىق فيزيكا-ماتەماتيكا مەكتەبىنىڭ 47 وقۋشىسى جەدەل ىشەك ينفەكسياسىنىڭ بەلگىلەرىمەن ەمحاناعا جاتقىزىلعانى بەلگىلى بولدى.
كەيىن ر ف م م اكىمشىلىگى وقۋشىلاردىڭ اۋرۋحاناعا تۇسۋىنە بايلانىستى تۇسىنىك بەردى. بۇگىندە مەكتەپ عيماراتى مەن مەكتەپ- ينتەرناتتا دەزينفەكسيالاۋ جۇمىستارى جۇرگىزىلگەن. ال ق ر باس مەملەكەتتىك سانيتاريالىق دارىگەردىڭ قاۋلىسىنا سايكەس، مەكتەپ-ينتەرناتتىڭ جانە اس بلوگىنىڭ جۇمىسى ۋاقىتشا توقتاتىلعان. سونىمەن قاتار 14- 16 -قازان ارالىعىندا مەكتەپ ساباقتارى ونلاين فورماتتا وتەدى.