ءىس-شارا اياسىندا ءتارتىپ ساقشىلارى پروفيلاكتيكالىق جانە جەدەل جۇمىستاردى كۇشەيتىپ، قۇقىق بۇزۋشىلىقتاردى انىقتاۋعا، ولاردىڭ جولىن كەسۋگە جانە قالاداعى قوعامدىق ءتارتىپتى ساقتاۋعا باسا نازار اۋدارماق. ونىڭ ىشىندە جول قاۋىپسىزدىگىنە ەرەكشە كوڭىل بولىنەدى. اتاپ ايتقاندا: كولىكتى ماس كۇيدە باسقارۋ، جىلدامدىقتى اسىرۋ جانە جول قوزعالىسىنا قاتىسۋشىلاردىڭ ومىرىنە قاۋىپ توندىرەتىن وزگە دە قۇقىق بۇزۋشىلىقتار قاتاڭ باقىلاۋعا الىندى.
- ءبىزدىڭ مىندەتىمىز - قۇقىق بۇزۋشىلىقتاردى انىقتاۋمەن عانا شەكتەلمەي، ەڭ الدىمەن ولاردىڭ الدىن الۋ. الماتىنىڭ ءاربىر تۇرعىنى مەن قوناعى ءۇشىن قاۋىپسىز ورتا قالىپتاستىرۋ ماڭىزدى. اسىرەسە، جول قاۋىپسىزدىگىنە جانە قايعىلى جاعدايلارعا اكەلۋى مۇمكىن ارەكەتتەردىڭ جولىن كەسۋگە باسا نازار اۋدارامىز، - دەدى پ د اكىمشىلىك پوليتسيا باسقارماسىنىڭ باستىعى ءابدىنۇر تاسىبايەۆ.
الماتى پوليتسياسى تۇرعىندار مەن قالا قوناقتارىن زاڭ تالاپتارىن، جول قوزعالىسى ەرەجەلەرىن جانە قوعامدىق ءتارتىپتى ساقتاۋعا شاقىردى.
ەسكە سالايىق، جىل باسىنان بەرى الماتىدا جۇرگىزۋشى كۋالىگىنەن ايىرىلعان 400 ادام قايتادان كولىك باسقارعانى انىقتالدى.