ت ج د «قازاۋەقۇتقارۋ» مەكەمەسىنە قاراستى تىكۇشاق اپاتتار مەديتسيناسى ورتالىعىنىڭ ماماندارىمەن جانە «بارىس» رەسپۋبليكالىق شۇعىل قۇتقارۋ جاساعىنىڭ قۇتقارۋشىلارىمەن بىرگە تەڭىز دەڭگەيىنەن 4300 مەترگە جۋىق بيىكتىكتە ورنالاسقان سيەۆەرتسوۆ مۇزدىعىنان ءمايىتتى تومەن ءتۇسىرۋ ءۇشىن ۇشىپ شىققانىن مالىمدەدى.
- ءمايىت تومەنگە تۇسىرىلگەننەن كەيىن الماتى وبلىسىنىڭ پوليتسيا دەپارتامەنتىنىڭ قىزمەتكەرلەرىنە تاپسىرىلادى. بۇل جۇمىستاردى ورىنداۋعا ورنالاسقان جەردىڭ بيىكتىگى، اۋماقتىڭ قاتىناۋعا قيىندىعى، تاۋلى جەردىڭ كۇردەلىلىگى، تىك بەتكەيلەر مەن اۋا رايى جاعدايلارى كەرى اسەرىن تيگىزىپ، قيىنداتىپ وتىر، - دەپ ءتۇسىندىردى دەپارتامەنتتەن.
ەسكە سالايىق، الەۋمەتتىك جەلى قولدانۋشىسىنىڭ ايتۋىنشا، 16-تامىزدا بەلارۋس رەسپۋبليكاسىنان كەلگەن تۋريستەر تاۋدا ادام قالدىقتارىن انىقتاعان. بۇل جايلى قۇتقارۋ قىزمەتىنە اقپارات بەرىلسە دە، ادام ءمايىتىن ەۆاكۋاتسيالاۋ ماسەلەسى شەشىلمەي كەلگەن.