ءى ءى م مالىمەتىنشە، ينتەرنەت پەن الەۋمەتتىك جەلىلەردە جاسوسپىرىمدەردىڭ جالعان حابارلامالار تاراتۋ دەرەكتەرى جيىلەگەن.
الماتى وبلىسىندا تەرروريزم اكتىسى تۋرالى كورىنەۋ جالعان حابارلاما جاساعانى ءۇشىن 9-سىنىپتىڭ ەكى وقۋشىسى ۇستالدى. تەرگەۋ بارىسىندا ولاردىڭ استانا قالاسى مەن الماتى وبلىسىنداعى وسىنداي 14 فاكتىگە قاتىسى بارى انىقتالعان.
سونىمەن قاتار شىعىس قازاقستان وبلىسىنداعى 9-سىنىپ وقۋشىسى الەۋمەتتىك جەلىدەگى جانجالدان كەيىن باسقا ادامداردىڭ اتىنان شىمكەنت قالاسى اكىمدىگى مەن اقتاۋداعى ساۋدا ۇيلەرىنىڭ بىرىنە جارىلعىش زات قويىلعانى تۋرالى ەلەكتروندىق حاتتار جىبەرگەن.
قۇقىق قورعاۋ ورگاندارىنىڭ مالىمەتىنشە، ولار قىلمىس جاساۋ كەزىندە انونيمدى تەلەفون نومىرلەرى مەن ەلەكتروندىق پوشتالاردى پايدالانعان.
- بۇل «ءازىل» نەمەسە قالجىڭ بولسا دا، مۇنداي ارەكەتتەر قىلمىستىق قۇقىق بۇزۋشىلىق بولىپ سانالادى. جالعان قاۋىپ تۋرالى حابارلامالار ادامدار اراسىندا دۇربەلەڭ تۋعىزىپ، شۇعىل قىزمەتتەردىڭ جۇمىسىنا كەدەرگى كەلتىرەدى. مۇنداي ارەكەتتەر ءۇشىن باس بوستاندىعىنان ايىرۋعا دەيىن جاۋاپكەرشىلىك قاراستىرىلعان، - دەدى امان اۋباكىروۆ.
ءى ءى م كيبەرقىلمىسقا قارسى ءىس-قيمىل دەپارتامەنتى باسقارما باستىعىنىڭ ورىنباسارىنىڭ ايتۋىنشا، مۇنداي جاعدايلاردىڭ بارلىعى مۇقيات تەكسەرىلىپ، كۇدىكتىلەر زاماناۋي تەحنولوگيالاردىڭ كومەگىمەن انىقتالادى.
پوليتسيا ازاماتتاردى تەكسەرىلمەگەن اقپارات تاراتپاۋعا جانە بالالارعا مۇنداي ارەكەتتەردىڭ سالدارىن تۇسىندىرۋگە شاقىردى.
ايتا كەتەيىك، ءى ءى م تەرروريزم تۋرالى جالعان اقپارات تاراتقاندار دا قىلمىستىق جاۋاپقا تارتىلاتىنىن مالىمدەدى.