ءارقايسىنىڭ قۇرامىندا كەمى 4-5 ادامنان بولعان. ال شارۋالار ۇرى-قارىنىڭ بۇدان الدەقايدا كوپ ەكەنىن ايتادى. مەملەكەت باسشىسى قۇقىق قورعاۋ ورگاندارىنا مال ۇرلىعىنا قاتىسى بار قىلمىسكەرلەرگە اياۋشىلىق جاساماي، ولاردى قاتاڭ جازالاۋدى تاپسىرعان بولاتىن.
«مال كوبىنە ورىستەن جوعالادى، الداعى ۋاقىتتا مۇنداي قىلمىستاردىڭ ءىزىن سۋىتپاي اشۋعا بارىنشا تىرىسامىز»، - دەدى جامبىل اۋداندىق پوليتسيا وكىلدەرى.
تولەندى وسپان، قىزىلاسكەر اۋىلىنىڭ تۇرعىنى:
- جامبىل اۋدانىندا ءورشىپ تۇر. ول مۇمكىن 500-دەن اسىپ كەتەر، مۇمكىن تومەن بولار. ءبىراق مەنىڭ ەسىگىمنىڭ الدىنان 10 باس جىلقى كەتىپ وتىر. ءۇش قۇلىندى بيە، ەكى بايتال، ءبىر تۋ بيە، ءبىر ايعىر.
بەرىك قاپاسوۆ، جامبىل اۋداندىق پوليتسيا باسقارماسىنىڭ باستىعى:
- ۇرلانىپ جاتقان مالدىڭ ءبارى شالعاي جايىلىمدا، اۋىلدان 5-6, كەيبىرى 10-15 شاقىرىم جەرلەردە جوعالادى. كەيبىر مالدىڭ يەلەرى الماتى قالاسىندا، باسقا جەرلەردە تۇرادى. ءبىرىنشى توپ ۇستالعان قازىرگى ۋاقىتتا 6 مال ۇرلىعى بويىنشا وزدەرىنىڭ جاۋاپتارىن بەرىپ وتىر مويىنداپ، ەكىنشى توپ ەكى مال ۇرلىعى بويىنشا قىلمىسىن مويىنداپ وتىر. قازىرگى ۋاقىتتا ولارمەن تەرگەۋ ارەكەتتەرى جۇرگىزىلۋدە.
24.kz