الماتى وبلىسىنىڭ ەڭبەكشى قازاق اۋدانىندا بالتاباي سۋارۋ القابىنداعى يرريگاتسيا جۇيەلەرىن جاڭعىرتۋ جۇمىستارى اياقتالۋعا جاقىن.
جوبا اياسىندا جالپى ۇزىندىعى 68,5 شاقىرىمنان اساتىن 31 كانالدى رەكونسترۋكسيالاۋ كوزدەلگەن. ونىڭ ىشىندە جالپى ۇزىندىعى 15,2 شاقىرىم بولاتىن 4 كانال شارۋاشىلىق ارالىق، ال جالپى ۇزىندىعى شامامەن 53,3 شاقىرىمدى قۇرايتىن 27 كانال شارۋاشىلىق ىشىلىك كانالدارعا جاتادى.
قازىرگى ۋاقىتتا قۇرىلىس- مونتاج جۇمىستارى 100 پايىزعا ورىندالعان. جوبانى ىسكە اسىرۋ بالتاباي اۋىلدىق وكرۋگىندەگى 5 مىڭ گەكتار سۋارمالى جەردى سۋمەن قامتاماسىز ەتۋدى جاقسارتۋعا مۇمكىندىك بەرەدى.
- بارلىق نىسان «قازسۋشار» ر م ك- نىڭ «د. قونايەۆ اتىنداعى ۇلكەن الماتى كانالى» فيليالىنىڭ قاراماعىندا. بالتاباي سۋارۋ القابىن تولىق پايدالانۋعا كەلەسى جىلدىڭ ۆەگەتاتسيا كەزەڭىنە دەيىن دايىنداۋ جوسپارلانىپ وتىر، - دەدى سۋ رەسۋرستارى جانە يرريگاتسيا ۆيتسە-ءمينيسترى جاندوس ءسالىموۆ.